[الاجهر]

اخترتها لكم انشاء الله تعجبكم

يا ضلع اجعل للغيث يسقيك نوه = من مزنةٍ غرا مطرها رهاواه
ضلعٍ اذا زاد الدهر زاد قوه = ما جاه من طول الليالي رخاواه
ضلعٍ اذا سقت القدم في علوه = جلست لي في مجلسٍ له طراواه
عقب البطى شوفة فياضه وجوه = يبعد عن القلب الشقي الشقاواه
بيني وبينه خوةٍ وأي خوه = خوة قسا ماهي بخوة فضاواه
أليا انزعجت من الزمان المشوه = لقيت في عالي نباه الهداواه
وان بار في الرفقه قليل المروه = في قمته شفت الوفا والحفاواه
صديت به يوم الدهر زاد سوه =وعن عالمه قطع العلاقه نجاواه
ناس على الهفوات فيهم جروه = تركض لجمع المال ركض الفلاواه
نظراتهم للمال كثره وشوه = الـمال مقياس الــغلا والعــداواه
رجـلٍ بليا مال كل عـدوه = وراعي الكنوز الطايله في النباواه
والمال كم شيّخ من الناس بوه =لو كان ما يسوى من القدر ماواه
والقل كم لوى مذارع فتوه = هو من هلا الردات وأهل الصخاواه
يضحك على الطيب ردي الربوه= طيور شلوا بيدتها الصعاواه
من الحسد قام يحذف ويتفوه= وبيته لصلفات الهبايب مفاواه
ناس مشو على الطريق المشوه = صلى بهم من لا يعرف التلاواه
ممشى الفتى في خايعٍ سال توه = قفر عليه من الحباري حراواه
يبعد عن الأنذال ويشب ضوه = ويحط منزاله براس العلاواه
يبرد بها صدره ويرفع سموه = ويشوف للدنيا طراه وحلاواه

مع اجمل تحيه

الموضوع الأصلي: ياضلع جعل الغيث يسقيك نوه | | الكاتب: الاجهر | | المصدر: شبكة بني عبس

[ام جوانا]

ماشاء الله عليك اختيار موفق

[غادة بني رشيد]

عقب البطى شوفة فياضه وجوه *** يبعد عن القلب الشقي الشقاواه
تسلم والله انك جبتها عسى الله يعافيك

بيني وبينه خوةٍ وأي خوه *** خوة قسا ماهي بخوة فضاواه

[ابو براك الرياض]

الله يعطيك العافيه

[الاجهر]

اقتباس من مشاركة ام جوانا ماشاء الله عليك اختيار موفق

مشكور على التواجد الرائع والمرور الاروع
تسلمين

[الاجهر]

اقتباس من مشاركة غادة بني رشيد عقب البطى شوفة فياضه وجوه *** يبعد عن القلب الشقي الشقاواه تسلم والله انك جبتها عسى الله يعافيك بيني وبينه خوةٍ وأي خوه *** خوة قسا ماهي بخوة فضاواه

ماشاء الله عليج ياغادة اخذتي عيون القصيدة
تسلمين على المورو

[الاجهر]

اقتباس من مشاركة ابو براك الرياض الله يعطيك العافيه

ابو براك اشكر مرورك تسلم

[ثنيان العجرمي]

الاجهر
لا هنت وبيض الله وجهك
تحياتي