[طلال محمد ناهس]

قصيده لمبدع وحبيت يكتمل ابدعها بوجودها للاصحاب ذائقه الابداع

البارحـه بيـن النصـر والهزيمـه= جالس شريد الفكر والجفن مانـام
في خاطري هقوة شجاعٍ وشيمـه =على بحور العز رزيـت الاعـلام
اراجع اسلاف العقـول القديمـه= لوكل ماتطرب لـه العيـن قـدام
في وقت واحد شفت عجه وغيمه= تجسدة روح الحقيقـه والاحـلام
بغيت اهـدي نفسـي المستهيمـه= ردتبي الذكرى على ذيك الايـام
صحيح ماهيـب الليالـي مديمـه= والعمـر لوزانـت لياليـه مـدام
الموت ماخلا النفـوس السليمـه= كم واحدٍ امسى معافى ولا iiقـام
لوتفهـم الايـام دمـع اليتيمـه= تخاف كسب الاثم من دم الايتـام
من قايس الدنيا بحكمـه وقيمـه= اخذ عبر من صفحة اليوم والعـام
ومن عاش بالدنيا سـواة البهيمـه= ومسلين نفسه على صوت الانغـام
ورافق مدوّرة الحسـد والنميمـه= لاهي ولا صلى بوقتـه ولا صـام
يذوق صكات الليـال العظيمـه =وان مات يحشر مثل عباد الاصنام
مكاسب الايـام مثـل الغنيمـه =في حكم رب الخلق زوّال الانعـام
لونجمع اهل الحق واهـل الظليمـه= مارجعـوا مادبـره رب الانــام
واليا التقى وجه الخصيم بخصيمـه= تلاشت الفتنه على وصل الارحام
فرصات في سود الليالـي كريمـه =يقدم بها خطوى حكيمٍ ليـا قـام
والله لو ماهيب نفسـي رحيمـه= اني لقول فلان ضايـق ومنضـام
لاشك خايف يعقب السيل ديمـه =ويفرح على منوالها نـذل وخمـام
بعض الكلام يفوق فعـل الجريمـه =وانا محب امشي على درب الاجرام
ولاكنت راسم في خيالـي نديمـه= اكثر خيالي بيـن واهـم وجـزّام
إلا لياجتنـي بـوادر وسيـمـه= اعيشهـا بهيـام وفـوق بهيـام
ماهو تسلي وختـلاف وهضيمـه= في سوق غالي ماقبل كـل سـوام
ابلغ من الواقع وصوفـه عديمـه= ينعش خيالك مع ذعاذيع الانسـام
مشاعـرك لـو موراهـا عزيمـه= كنك على اهل الحب فارس ومقدام
تعيش برموش العيـون الكليمـه =وفهم كلام العين دمعـه وسلهـام
وليا عطنّك فـي مبـادي رحيمـه =وقّع بقلبك قبـل توقيـع الابهـام
ولابد من يـومٍ تشـوف الحريمـه =مثل الصغير اللي بلغ سن الافطـام

الموضوع الأصلي: دمع اليتيمه | | الكاتب: طلال محمد ناهس | | المصدر: شبكة بني عبس

[العالم الفلكي]

صح السان شاعرها

وتسلم يمين ناقلها

[طلال محمد ناهس]

اقتباس من مشاركة العالم الفلكي صح السان شاعرها وتسلم يمين ناقلها

سلمت يمينك
ويسلموو على المروور

[مرزوق العجوني]

صحلسان شاعرها ولا هنت على النقل

[ابو سامي]

صح السان شاعرها

وتسلم يمين ناقلها

[طلال محمد ناهس]

اقتباس من مشاركة ابو سامي صح السان شاعرها وتسلم يمين ناقلها

صح بدنك
سلمت يمينك

[طلال محمد ناهس]

اقتباس من مشاركة مرزوق العجوني صحلسان شاعرها ولا هنت على النقل

صح بدنك
يسلموو على المروور

[سلطان الغريب]

يعطيك العافيه