[المر العذب]

[POEM="font="Simplified Arabic,5,black,bold,normal" bkcolor="white" bkimage="" border="solid,4,red" type=2 line=0 align=center use=ex num="0,black""]من سطوة الجرح ما رديت لك جابه=يوم كبرت فعيوني لذت بإسكاتي
خرسا المشاعر من الحسرة ومرتابة=ما تنسمع صرخة يبست على شفاتي
وش عاد أبا قول كل الدرب متشابه=في عتمة الدرب ما ميزت خطواتي
الوقت وجهه بوجهي كشر أنيابه=تعكس تعابير وجه الوقت مأساتي
كذابة احلامنا يا بنت كذابة=نعم..وهم كل هقواتك وهقواتي
الجرح عاري ما عاد تستر ثيابه=ايه افترضنا وضاعت كل حيلاتي
حاولت اقاوم بوجه الريح و اجابه=وكثرت على دربي المجنون كبواتي
حظي خذلني وانا كنت اتعزوا به=واصبح مثار الجدل سر انكساراتي
احد عذرني واحد ملحقني عتابه=وانتي سالتي وانا اغرق في معاناتي
جدالنا صعب ..صعب الي انفتح بابه=ماهو مجرد كلام ولجة اصواتي
لاتسالي عن ظروف الجرح واسبابه=ماعاد به شي مغري باعترافاتي
التزمي الصمت مثلي ماهي طلابه=تعبت اصرح واسولف لك بنظراتي
يوم انتي اخر طريق العمر ما اهابه=واليوم ما تفيد روحاتي وجياتي
وقفت..لا حل ..لا كلمة ..ولا جابه=قلت الحق اللي بقى والوذ بسكاتي

مساعد الرشيدي[/POEM]

الموضوع الأصلي: يابنت كذااااابه لمســاعد الرشيدي | | الكاتب: المر العذب | | المصدر: شبكة بني عبس

[عبدالله الراشد]

جميلة جدا
ولكن جديد مساعد اجمل بكثير

[سالم الرشيدي]

صح السان الزعيم
وبيض الله وجهه

فهد القصبي

مشكور على الموضوع

ولاهنت يالغاالي

[سنافي]

فهد .. اختياراتك و متابعتك للزعيم دليل على ذوقك الرائع

انت بالفعل رااااااااايق

تحيتي

[منصور غنيمان]

صح السان الزعيم
وبيض الله وجهه

فهد القصبي

مشكور على الموضوع

ولاهنت يالغاالي

[اخوالزعيم]

رووووووووووووووعه

[ku-98]

صح السان الزعيم

مشكوووور اخوى

[ابو سامي]

صح السان الزعيم
وبيض الله وجهه

فهد القصبي

مشكور على الموضوع

ولاهنت يالغاالي