[العالم الفلكي]

بسم الله الرحمن الرحيم

السلام عليكم ورحمة الله وبركاته

هذه المحاوره بين الشاعر الكبير ابوعوجه والشاعر الكبير ناصر خنيفر (العمده)

ابوعوجه

تعال ياالزلزال زلزل باطويل امـن الجبـال

واخوك ابو عوجه يسوي بالرجال الزلزلـه

لقيت لك بين السماء والارض جره مع ضلال

ولقيت لك بين اثراء والماء مثل عرق نخله

العمده

ماحدن يزلزل بالجبال الا الولي عال الجلال

واللي يزلزل بالرجال باكر مايرجع لاهلـه

مافيه جره مثل قولك ونشد كبار الرجـال

الشعر فن وذوق ماهو يابو عوجه مهزله

ابوعوجه

سبحان من صورك بحسن صورة ٍيابن الحلال

لكن انا الجمال والجمـال معـروف جملـه

ان كان ماعندك بصيره روح ورتح باضـلال

اما يحت ضل اشيره والا تحت ضـل ايثلـه

العمده

احسن صور ربي عطاناوشكره في كل حال

وما الجمل يامن هدر تقصر يدك ماتاصله

انته اشوفك كل يومٍ رافعن بيـدك عقـال

واحد تطاوع معه ياعوجان واخر تزعلـه

ابوعوجه

لا تمد يمناك القصيره لليدين اللـي طـوال

تارط بورطه ثم تأكلها صحيح مفلفله هههه

انا لعبت بعفشكم لعب الورق ياابو كمـال

وهالحين شيل الحمل والا يابو تركي نزله

العمده

يمناي ماتقصر وتعرف مع كريمين اسبال

ولاكلتها وانا شباب اقصر احبال المساله

والله ماسويت شي الا الجدال مع الخبال

هذا ولا غيره قدرت مـع الاوادم تفعلـه

ابوعوجه

ياعاقـل المـره مربـط باطويـل امـن الحـبـال

ويمكن نفك الحبل عنك ونربطك بالسلسله ههههههه

انـا بسـوي حفرتيـن وبينهـا جــرف ٍهـيـال

انـتـه تـبـى بالثانـيـه والا تـبـى بـالاولـه

العمده

انته تجادل وما انا تراي ماحـب الجـدال

والله يجازي كل شخصن يابو عوجه بعمله

انكانهاحفرت خطا تطيـح فيهـا لامحـال

احفر وخلك تحتهاحتـى تجيـك محولـه

ابوعوجه

والله ماودي تأكل اللي لاحـرام ولاحـلال

جنب عنه لاشفت بعض الناس تبغى تأكله

واسلم وسلملي على ربعك وعمك والخوال

كل ٍينزل ياوسيع المعرفـه فـي منزلـه

العمده

الطبع لوزالـت جبـال ابـان ثابـت مايـزال

وانته ماتترك طبعك اللي فيـه نـوع الخلخلـه

وانته بعد سلم لنا على الخـوال مـع العيـال

وقدام ترقد عن ذنوبك قوم واقر البسمله ههههه

الموضوع الأصلي: ابوعوجه والعمده | | الكاتب: العالم الفلكي | | المصدر: شبكة بني عبس

[ابو عوجه]

الله يجزاك خير ويرحم والديك على التنسيق

[العالم الفلكي]

اقتباس من مشاركة ابو عوجه الله يجزاك خير ويرحم والديك على التنسيق

مشكور على المرور والتعليق

[ناصر خنيفر]

شكرا اخي العالم الفلكي على التنسيق

[العالم الفلكي]

اقتباس من مشاركة ناصر خنيفر شكرا اخي العالم الفلكي على التنسيق

وأنت مشكور على المرور والتعليق