[سعد الشقل]

بيت الزعيم ./. مساعــد الرشــيــدي


ينجرح قلب لكن ترتفع هامه + والله اني لاموت ومانحنى راسي / المعنى هو الاعتزاز بالنفس والشموخ ومصارعة الياس:


ابو ذيل

من هجوساً على الجزلات عزامه=اثني ازكا التحايا واطرد اعماسي
كان جحدر توخر واشغله زامـه=ماستطيع اتونا واشغل احساسي

جحدر

من هجوس على الاخطار مقدامه=مرحبا ردتن يقدح بهـا راسـي
جحدر الله يعزك رابـط حزامـه=في جميع الامور بخيص وسياسي

ابو ذيل

الخطر مـن وراه افكـار هدامـه=والسياسي يجيب اعلومه اساسـي
انت يابو دلامـه دونـك ادلامـه=واعر ف ابو ك رجلً واهو كاناسي

جحدر

والله إني لاجيب الدرة الخامـة=لو أغوص البحور وتكتم انفاسي
حج ابو ذيل لكن ضيع حرامـه=حجته باطلة لو قال انـا ناسـي

ابو ذيل

صام ابو زيد لااكن خرب اصيامه=نزغت ابليس ولا مابه احساسي
حج ابوذيل لااكن رافـع الهامـه=مع حميدان صار الوضع متواسي

جحدر

مايجيب الدلـو بيـرٍ ميـة قامـه=ياعرب ركبـوا للبيـر غطاسـي
من تكاسل عن النايف ولا رامـه=عاش وسط الحفر ضايع ومنحاسي

ابو ذيل

ماش مسلم يخاف ويشهر اسلامه=يابنوك الفلس ماهاذا الافلاسـي
الزلم تخترش وزلامهـا ازلامـه=والمتنبي ما شافك يابـو فراسـي

جحدر

العزيز الشريف يلبـس وسامـه=والذليل الحقير معقب وخاسـي
سكر الباب الايسر وارفع الجامة=وانتبه من جحا قبل ابو نواسـي

ابو ذيل

والله انـك بطـل والنفـس لوامـه=واجعل اخماسك الخمسه على اخماسي
عاش بعض العرب يطرد ورا وهامه=واخر الوقت صاير فيـه وسواسـي

جحدر

عيد الاضحى حرام اذبح به هلامه=لو تقرب نحرها عند الامواسـي
من يلبسك ثوب طوالـن اكمامـه=ماعرف ويش مقياسك ومقياسـي

الموضوع الأصلي: ابو ذيل × جحدر | | الكاتب: سعد الشقل | | المصدر: شبكة بني عبس