[شخصية مهمة]

شكيت جرحـي للبحـر قـال تكبـر *** وتشوف منهم في حياتك غرابـة

نطقت له تكفـى إذا كنـت تقـدر *** عندي سؤال بس ..؟؟ ناقص إجابة

ليه القلـوب اللـي نبـي دوم تغـدر *** وليه الحزن يفرض علينـا ثيابـه

قال الكسـر مـا ظنتـي يـوم يجبـر *** إلا إذا اللي راح أعلن إيابه

قلت الوفا بيـن البشـر ليـه ينـدر *** ليه الغلا بـالناس سهل إنقلابـه

قال البشر طبعه غـدر بـس أصبـر *** وأعرف ترى نصف الوجيه تشابه

دنياك لـو تصفـي فـلابـد تكـدر *** وتشوف شيب العمر بعد الصبابـه

وإن كان تبغى الحـل مـن قبـل يصـدر *** خلك حريص تعيش كلك مهابـه

من قبـل دمـع العيـن بـالحـزن يحـدر *** من قبل لا وقتك يعضك بـنابـه

وقتك غريب ومثلـك اليـوم ينـدر *** يندر تعيش بـطـيـبـتـك وسـط غابـه

بـاقـول كلمـة وأذكـره دوم وأخبـر *** وأذكر كلامي لـك إجابـه إجابـه

لا تقول أنا فاهـم علـى النـاس أقـدر *** أقـدر أميّـز مـن دروسـي كتابـه

صدقني هذا وقـت خايـن ويغـدر *** لو أنت ذيب تخون فيـك الذيابـه

الموضوع الأصلي: شكيت جرحي للبحر | | الكاتب: شخصية مهمة | | المصدر: شبكة بني عبس

[ريم]

[عطر الاوركيد]

قال الكسـر مـا ظنتـي يـوم يجبـر *** إلا إذا اللي راح أعلن إيابه
شخصيه مهمه
تشكر على النقل الرائع
تقبل تحياتي
عطر الاوركيد