[الهنوف]

أعجبتني هذه القصيدة للشاعر سالم الحويلة وأحببت ان أنقلها لكم

لاهبت النسمة ولعب الشعر طيش=فوق المتون وهاض من وجدي الجاش
كن الرموش بسودها صفة الجيش=لاسلهمت سهم الغلا للحشا ناش
حتى ايش لاونيت لاصحت حتى ايش=لعبت في حسبة محبك على ماش
اجيك وعيوني لشوفك معاطيش=واحتار بين المد والجزر والطاش
حزين من صدك ولاقادر اعيش=ومعذور من حبك بلياك ماعاش
سويت في حالي سوات الدراويش=اسري مع الهوجاس ممسا ومغباش
شف حالتي صعبة ولا قلت لك ليش=حطيت نار الشوق من بعدك افراش
تلعب على كيفيك بمغليك واتهيش=ولا بين بعينك يجيك الغلا كاش
عيشتني عيشة متاعب وتطفيش=وخليتني في وحشة البعد منداش
مشيت من شانك بعيد المطاريش=اطلب رضاك بصدق مانيب غشاش
بقولك كلمة وخذها بلا طيش=تبقى بليلك كل ما يظلم افلاش
الحر يبقى حر لو يفقد الريش=لابد مايرجع كما كان يهتاش

الموضوع الأصلي: نار الشوق | | الكاتب: الهنوف | | المصدر: شبكة بني عبس

[نــواف العويمري]

	الهنوف يعطيك العافية على النقل الرائع ووفقك الله تقبلي تحياتي نواف العويمري

[أبونواف]

	مشيـت مـن شـانـك بعـيـد المطـاريـش اطلب رضاك بصـدق مانيـب غشـاش اختي الهنوف بيض الله وجهكي على النقل الرائع

[مسندالعويمري]

	مشيـت مـن شـانـك بعـيـد المطـاريـش اطلب رضاك بصـدق مانيـب غشـاش اختي الهنوف بيض الله وجهكي على النقل الرائع

[سعد بن عادي]

مشيـت مـن شـانـك بعـيـد المطـاريـش
اطلب رضاك بصـدق مانيـب غشـاش
بـقـولـك كـلـمـة وخـذهــا بـــلا طـيــش
تبـقـى بليـلـك كــل مــا يـظـلـم افـــلاش
الـحـر يبـقـى حــر لـــو يـفـقـد الـريــش
لابـــد مـايـرجـع كـمــا كـــان يـهـتـاش


الله الله

صح لسانك الهنوف ولسان شاعرها

نقل متميز


دمتم كما تحبون

[امير الحرف 2]

زينه زينه

[ابوعالي الرشيدي]

اختي الهنوف كلمات رائعه

وقلم ياتي بكلمات مميزه

تحياتي وتقديري لقلمك المميز

[الهنوف]

نواف العويمري
أبو نواف
مسند العويمري
سعد بن عادي
أمير الحرف2
أبو عالي الرشيدي

أشكركم جميعا على المرور الرائع ووفقكم الله

دمتم بخير
أختكم/الهنوف