ضــع اعــلانك هنا
 |
الملاحظات
|
|
خيارات الموضوع | ابحث بهذا الموضوع |
|
|
بندر عايش × راعي الشلفا .. لنقد
السلام عليكم ورحمة الله وبركاته
بطلب من الاسماء التاليه ..// الاشقر .. بندر عايش .. راعي الشلفا بتحليل المحاوره من قبل محلل الشبكه // كهل الصباء راعي الشلفا من هجوس الشاعر اللي رفيعن مستواه=مرحبا بك يابن عايش وغيرك مايهون علمـنا ياصاحـبي بالمـجله والقـناه=وحزب الاشقر مبتلش ياعساهم يفلحون بندر عايش البقا بك يالمرحـب علـى شـيءٍ بغـاه=وان بغى الترحيب جابه على عشرين لون خلنا من حزب الاشقر وكـلٍ لـه هـواه=ليه ناسٍ يزرعـون الحقـل مايحصـدون راعي الشلفا الحقيقه واضحه والشعر في محتواه=واغلب العالم ترى عنها مايعلمون بعض خلق الله ليا شافله حر اشتواه=واعرف ان السوق به ياصحيبي يشترون بندر عايش راعي الشلفا علامـه تغيـر فـي نبـاه=والله إني كنت هاقي به اللي ما تهقون من لبس له ثوب ما هو بقده من غباه=يحسب إن عيال عجز الملأ ما يعجـزون راعي الشلفا ابن عايش خشته ياعرب تشبه قفاه=كيف ينطحله جبالن وهو ماله قرون يرسم الخطه وهو لا بسله ثوب شاه=والفقاها عند ناسن معانا يفقهون بندر عايش راعي الشلفا عسى الله من الشلف يحماه=وان عطاه الله عمر يضحك بليا سنـون والله إني شفت نقع المطر فوق الصفاه=مير شربه قبلي الجحش والشراب عون راعي الشلفا يابن عايش مثل شكلك ترى عندي دواه=استغفر الله دام لله في خلقه شئون قدم وجهك ذيب يعوي وماتسمع عواه=والذيابه للذيابه تراهم يسمعون بندر عايش أشهد إن اللي عوى ما قفاه ألا هـواه=والذيابة غير مـن باللسـان يصوتـون
لو قطاتك يالهلالي ماهي بنت القطـاه=قلت ابي منك الدلالة وادور لك زبون
|
|
محاوره رائعه واعتقد انه راعي الشلفا اكل خصمه ولاهو قصور فابن عايش
لاهنت يالمشرف بتنسيق
|
|
|
مشكور على التنسيق مشرفنا سعد الشقل
|
|
|
محاوره جميله جدا ومن دواعي سروري بان المنتصرفيها من حزب العمده ههههههههههههههه
|
|
محاوره شرسه وصح لسان الشاعرين
راعي الشلفا عسى الله من الشلف يحماه وان عطاه الله عمر يضحك بليا سنون والله إني شفت نقع المطر فوق الصفـاه مير شربه قبلي الجحش والشراب عون انا من وجه نظري في الشطر الثاني من البيت الاول ثقل وكذالك في الشطر الثاني من البيت الثاني ثقل هذا اللي عندي ومشكور ياسعد على تنسيق المحاوره
|
|
سعد الشقل قلت بيت واحد مو المحاوره كلها ههههههههههههه
مشرفنا العزيز لاهنت على تنسيق المحاوره وحنا نستفيد من انتقاد شاعرنا كهل الصباء بنتظار انتقاد كهل الصباء مع تحيات مندوب حزب العمده المؤقر : راعي الشلفا
|
|
|
وسع صدرك مع كهل الصباء
أخوي سعد الشقل؟
شكراً على الدعوة...كما أتمنى أن أكون عند حسن ظن الجميع... أخوي راع الشلفا؟ أنت أخو عزيز على قلبي جمعت بيننا الشبكة زماناً طويلاً...واليوم كما ترى الشقل وضعني في موقف لا أحسد عليه...لكن تحملني.. أخوي بندر عايش؟ أعرفك جيداً يا أبا فهد...كنت بصفك دائماً...لكن حان اليوم الذي سأكون به محايداً.. ......................................... راعي الشلفا من هجوس الشاعر اللي رفيعن مستواه=مرحبا بك يابن عايش وغيرك مايهون علمنا يا صاحبي بالمجلة والقناة....الخ البيت:سبقنا الجميع للشهرة والتميز...وحظاً أوفر للأشقر وأصحابه..بداية جيدة...علمنـا ياصاحبـي بالمجلـه والقنـاه=وحزب الاشقر مبتلش ياعساهم يفلحون بندر عايش البقا بك يالمرحـب علـى شـيءٍ بغـاه=وان بغى الترحيب جابه على عشرين لون هنا دخل الشك في قلب الشاعر...وبدأ التحرص... خلنا من حزب الاشقر وكـلٍ لـه هـواه=ليه ناسٍ يزرعـون الحقـل مايحصـدون إتركنا من سالفة الأشقر...وخلنا بسالفتك...لماذا لم تجني ما حصدت؟ راعي الشلفا الحقيقه واضحه والشعر فـي محتـواه=واغلب العالم تـرى عنهـا مايعلمـون تموية على بندر ليوضح أكثر...وأنا أعتبرها نقطة ذكاء تحسب لراع الشلفا... بعض خلق الله ليا شافله حـر اشتـواه=واعرف ان السوق به ياصحيبي يشترون النقطة التي كسبها الشاعر قبل قليل خسرها هنا وأتضحت نقطة الضعف لبندر... بندر عايش راعي الشلفا علامه تغيـر فـي نبـاه=والله إني كنت هاقي به اللي ما تهقون هنا أشار بندر للنقطة السابقة...وقال كنت أظنك أدهى من كذا.... من لبس له ثوب ما هو بقده من غبـاه=يحسب إن عيال عجز الملأ ما يعجزون هنا يشير بندر لصبغ إسم راع الشلفا بلقب شاعر... راعي الشلفا ابن عايش خشته ياعرب تشبه قفاه=كيف ينطحله جبالن وهو ماله قرون هنا دافع راع الشلفا بحجة قوية....مشبهاً نفسه بالجبل...ومشبهاً بندر ب.... الأجم هههههههه يرسم الخطه وهو لا بسله ثوب شاه=والفقاها عند ناسن معانـا يفقهـون لابسٍ له ثوب شاة:ثوب الشاة هنا وصف مجازي لتشبيه بندر وألا الشاة ليس لها ثوب فعلي...لكن هذا مجازي...وهو وصف مبتكر وقوي هههههه بندر عايش راعي الشلفا عسى الله من الشلف يحماه=وان عطاه الله عمر يضحك بليا سنـون يضحك بليا سنون:يعني شايب قد سقطت جميع أسنانه من أثر الكبر وهو إستخدام صحيح...لكن بندر أراد أن يجعل راع الشلفا يفهمه خطأ... والله إني شفت نقع المطر فوق الصفاه=مير شربه قبلي الجحش والشراب عون لقد سبقني الجحش إلى الإبداع الصافي.... الشراب:يقصد الجحش... عون:يقصد إن الجحش أكبر عون له في هذا المجال... راعي الشلفا يابن عايش مثل شكلك ترى عندي دواه=استغفر الله دام لله في خلقـه شئـون عجز البيت هنا فيه كسر واضح.... قدم وجهك ذيب يعوي وماتسمع عواه=والذيابـه للذيابـه تراهـم يسمعـون ما تسمع عواه:لا يوجد ذيب يعوي على الصامت هههه... لكن ربما يكون قصد الشاعر أخر.... بندر عايش أشهد إن اللي عوى ما قفاه ألا هـواه=والذيابة غير من باللسـان يصوتـون هنا إكتفى بندر بالإشارة للمقصد الثاني فقط...ربما.. لو قطاتك يالهلالي ماهي بنت القطاه=قلت ابي منك الدلالة وادور لك زبون يقول إن محاورتك تقليدية بحته...وألا لو كانت نادرة ومختلفة عن من سبقك لقلت لك إنها ثمينة... محاورة جميلة...إستمتعت بما جاء فيها... كل الشكر للشعراء ولمشرفنا سعد ولجميع الأعضاء... دمتم بووووووود
آخر تعديل بواسطة كهل الصباء ، 04-12-2008 الساعة 03:36 AM.
|
«
الموضوع السابق
|
الموضوع التالي
»
| يتصفح الموضوع حالياً : 1 (0 عضو و 1 ضيف) | |
|
|
مواضيع مشابهة
|
||||
| الموضوع | الكاتب | القسم | الردود | آخر مشاركة |
| بندر عايش + المهم1 | العالم الفلكي | قسم المحاورات المنسقة | 1 | 05-05-2009 05:49 PM |
| بندر بن عايش+السبع الضاري | العالم الفلكي | قسم المحاورات المنسقة | 3 | 14-04-2009 10:58 PM |
| محاورة بين الكابتن و بندر عايش | العالم الفلكي | قسم المحاورات المنسقة | 4 | 10-01-2009 10:02 PM |
| راعي الشلفا يقرب ولا سداد لزوم | الحر النداوي | منتدى المحــــــــــــــاوره | 9 | 13-09-2008 03:24 AM |
الساعة الآن +4: 11:11 AM.
جميع الحقوق محفوظة شبكة بني عبس
