[فـ عتيبه ـارس]

الشاعر شامخ الشامخ

عندما ينسج قصيده يخلق من الحروف عقد من الجمال

أليكم هذه الأعجوبه النادره
وجدتها بمنتدى المرقاب الأدبي فنقلتها أليكم
لكي تتغذى بها العقول المتذوقه للشعر ...


[POEM="font="Simplified Arabic,5,black,normal,normal" bkcolor="white" bkimage="" border="ridge,5,sandybrown" type=2 line=0 align=center use=ex num="0,black""]
قـالـهـا شـامــخ عـلــى الله ..يـاعـنـيـدات الـلـيــال= مـاحـوى مقـبـل سنيـنـي ..يجـبـر الـجـرح الـدفـيـن
لا تـلاشـت لـــي مصـيـبـة .. حمـلـهـا هـــد الـجـبـال= تـبـتـدي ثـانــي مصـيـبـة .. قـــو الأولـــى مـرتـيــن
العـمـر رحـلــة تـجــارب .. والـوفــاء كـلــه خـيــال= والـزمـن لــو طــال عـمـره ..مابـقـى شــيء ٍ ثمـيـن
عمـت الفوضـاء بدربـي .. والرجـوع اصـبـح مـحـال= والمكـان اللـي حـوانـي .. ( صرختـيـن و دمعتـيـن )
المـسـاء هـــذا كـئـيـب .. وذكـريـاتـي بـــه طـــوال= والـثـوانــي ..والـدقـايــق ..بـالـخـطـى متـثـاقـلـيـن
والسمـاء ضمـت قمـرهـا .. مــع بــزوغ اول هــلال= ((شـهـر خمـسـه)) والـدمــوع الغـالـيـه بالوجنـتـيـن
الفـتـاة الـلـي سكنـهـا العـيـن ..واجـفـونـي ظـــلال= اعـزفـوا ليـلـة كفنـهـا .. نغـمـة الـصــوت الشـجـيـن
والله انــه مـــا نفـعـهـا ..لـــو تـصــل حـــد الـهـبـال= والله انــــه مــــا مـنـعـنـى ..غــيــر رب العـالـمـيـن
قـــدر الله ..وانـكـتــب عــنــوان هــــذا الــحــب زال= والـقــدر لا حـــل حـكـمــه ..كـلـنــا لــــه مـذعـنـيـن
كـنـت شــاري حبـهـا ..فـيـه الـدلـع ..فـيـه الـــدلال= لـكـن انــه ينتـهـي حــب انعـمـر طــول السنـيـن..!
هذا والله .. هو سبب خوفـي .. وجرحـي .. والهـوال= هــذا والله .. هــو سـبـب دمعي..وحـزنـي والونـيـن
هـذا والله .. هـو سبـب مــا حـدنـي فــوق احتـمـال= يـوم شفـت المـوت .. وانتـي يـا حياتـي ترحلـيـن ..!
ان رحلتي . ليش بأبقـى .والقمـر شـد الرحـال= وان بقيتـي.. ليـش بأرحـل .. والقمـر تـوه مبيـن؟؟
وان سألتي ليش بأرحـل ؟؟ قلـت لـك هـذا المقـال= ((الرحيـل اسهـل طريـق ٍ ..لأجـل ماتبقـى سجيـن ))
وأن سألـتـي لـيـش تتـركـنـي بـسـاحـات الـقـتـال= قـلـت لــك مــا تّــل قلـبـي ..غـيـر نــاس ٍ خايـنـيـن
الخطـا غامـض .. ولكـن .. تسمحـي لــي بالـسـؤال=هل رضيتي يـوم قالـوا هل.بغيري تقبليـن
كانـك انتـي راضيـه .. مـا عـاد باقـي لــي نـضـال = لأرتحـل عبـر الصحـاري ..وانتـهـي وابـقـى حـزيـن
لأرتحـل عـن دار حـايـل .. واهـجـر ادروب الشـمـال= لــو بـهـا نــاس ٍ عـزيـزة ..فــي غـلاهــم واصـلـيـن
لأرتـحـل فــوق الخـيـال ..ولأنـدثـر تـحــت الـرمــال= ولأنتهـي عـن كــل سـكـة ..فــي دروب العاشقـيـن
وكـانـك انـتـي رافضتـهـم .. واجـبــروك ِ بـالـحـلال= واصدروا عقد النكاح ولا سألو _ هل ترفضين ؟
الله الـلــي راد يــــا عـيـونــي ..ولا فـيـهــا جــــدال= واسحـبـي ذيــل الهزيـمـة .. وافعـلـي مــا تؤمـريـن
مـادريــت الا كـــروت افـــراح ..تـدعـونـي تــعــال= حفـلـهـا لـيــل الـثـلاثـاء ..والـخـبـر صـبــح الثـنـيـن
لا ولايــمــدي ..ولايـمـكــن.. لـتـحـقـيـق الـفــصــال= دام باقـي ليـل واحـد ..يـا عيونـي وش تبـيـن .؟؟؟
أومرينـي ((شخـص)) طـايـع ..قـيـده وقـتـه غــلال= واقتليـنـي وســط دارك ..واشـربـي دمــي الـل؟يــن
دامـنـي عــن ديـرتـي يـــا بـنــت قـطّـعـت الـحـبـال= كيـف ابـدري للفـرح يـا بـنـت وانـتـي تعرفـيـن ؟؟
اعـذريـنــي ..مــادريــت الا بـكـسـوفـك والـــــزوال= اعـذريـنـي ..مـاجــداي الا صـــدى صـــوت الأنـيــن
واعذرينـي .. لـو رحـلـت وغــادرت سـفـن الـوصـال= واعذرينـي .. لـو قطعـت الوصـل بالـنـاس اجمعـيـن
واعذريـنـي لــو سقيـتـك مــن بـحــر هـجــري زلال= واعذريـنـي كـانـك انـتــي يـــا حـيـاتـي تـعـذريـن
واعذريـنـي يــا حيـاتـي ..كـــل مـاجـالـك مـجــال= واعذرينـي يـا حياتـي قـد مـا انـتـي تقـدريـن ؟
والا انـا يــا عـزتـي لــي ..حالـتـي مـاهـي بـحـال= زيـــن اكــمــل بـعـدكــم يــانــور عـيـنــي ليـلـتـيـن
وادري ان صــــرت بـغـيـابـك.. وفــــي ٌ لا يُــطـــال= لـلـوفـاء مـضــرب مـثــال ٌ فـــي عــلــوم الطـيـبـيـن
واسمعـي بآخـر قصيـدة .. بعدهـا قـطـع الـوصـال= بعـدهـا .. مـافـيـه شـــيءٍ يـربــط لآخـــر يـقـيـن ..!
( الطـمـوح الـلــي بنـيـنـا ) يـنـهـدم قـبــل الـــزوال= يـنـهـدم قـبــل الـغــروب .. ويـنـدفـن حـلــم الـثـنـيـن
( ينهـدم لأجـل الشريـعـة ) ( ينـهـدم لأجــل الـعـدال= ( ينهـدم لأجـل الأمـانـي ) ( ينـهـدم لأجــل السنـيـن)
( ينـهـدم يــأول حبيـبـه ) ( ينـهـدم يأغـلـى غــزال= (ينهدم ياأجمل عيون ) ( وينهدم يـا أوفـى ضنيـن )
يـنـهـدم .. لأن الـقـلـوب أولـــى بتـحـقـيـق الـمـنــال= يـنـهــدم .. لأن الـتــعــازي مـــــا تـــــرد الـمـيـتـيـن
مابـقـى غـيـر الــوداع .. وكـفـنـي حـســن الـقـبـال= وسامحينـي كــل لحـظـة .. واسمـعـي هالكلمتـيـن
و الله انــه مــا مــلأ عيـنـي .. بـعـد حسـنـك جـمـال= والله انــه مــا سـكـن قلـبـي بـعـد رحـتــي عـويــن
بأوعـدك ..يبقـى مكانـك والهـوى مـا اعطـيـه بــال= ولايحـرك مـن شعـوري بـنـت .. واحـلـف لــك يمـيـن
أرحـلــي والله مـعــك فـــي غـيـبـتـك والارتــحــال= وارحلـي ..لآخـر مـدى والـدرب ( ورد وياسمـيـن..!)
ارحـلــي ..بالـذكـريـات وبـاقــي الـحــب الــمُــزال= وارحلـي.. تكفيـن لا يـردك علـى الشامـخ حنيـن ..!
وارحـلـي .. واتجاهـلـي كــل الـكـلام الـلـي يـقــال= لـو سمعتـي ( حـال شـامـخ ماتـسـر الناظـريـن ..!)
صدقيـنـي .. لــو تشوفيـنـي عـلـى جـــرف ٍ هـيــال= ما انتظرت .. الا وانا اعرف وش يكون المسلكين ..!
صدقـيـنـي .. ( مـرحـلـة بـتُـمـر ) والـصـبـر ابــتــذال= بأبتـسـم رغــم الـجــروح .. ولاعـقــدت الحاجـبـيـن
صدقيـنـي .. لا سـمـح قلـبـي .. بــأدور لـــك بـــدال= يـا عسـى قلبـي يليـن .. ويـا عسـى ربـي يعـيـن ..!
مـن شبابـي والـحـزن .. فــي خـوتـه خــوة رجــال= مايفارقـنـي .. ودايـــم عـــن يـســار وعـــن يـمـيـن
لاغـفـيـت اشـوفـهــا بـالـعـيـن .. تـبـكــي لـلـطــلال= ولا صحـيـت .. اشـوفـهـا قـــدام وجـهــي بالـيـديـن
اكتفـيـت ارجــوك يــا سْنيـنـي .. عـذابــي لايـــزال= يا عذابـي .. وش بقـى بـي يـا سنينـي تجرحيـن ؟
كيـف اصـدق مـا حصـل لـي .. والله انــه كالخـيـال= كـيـف اكــذب والنـواظـر ..والـجــوراح ..شـاهـديـن
انتبـهـت لدنيـنـي .. والـحـزن مــدري لـيـش طــال؟= واعتـزيـت .. وقـلـت يــا الله عــن كـــلام العـاذلـيـن
لـــو خـذلـنـي فـــي تعامـلـهـم .. رديـيــن الـرجــال= و الله انــي مـــا اتـهــاون .. عـــن عـلــوم الطيـبـيـن
[/POEM]

الموضوع الأصلي: منقول من منتدى المرقاب .. من ابداع الشاعر شامخ الشامخ | | الكاتب: فـ عتيبه ـارس | | المصدر: شبكة بني عبس

[عبدالله المظهور]

فارس عتيبه

والنعم بعتيبه وفاااارسها
وحيااااااااااك الله بين اخوانك .

نقل مميز لهذه القصيده
النص : شاااامخ
والشاعر : شاااامخ
وهذا الشعر : الشاااامخ .

صح لسان الشاعر شامخ الشامخ وتسلم يمين الناقل فارس عتيبه .

تقبلوا تحياتي .

صح لسان الشاعر وتسلم يمين الناقل

[فـ عتيبه ـارس]

عبدالله

وجهك ابيض مرورك فخر يالنشمي

[حــزام]

بيض الله وجهك اخوي فارس عتيبه
وصح لسان الشاعر شامخ الرشيدي
والقصيده جزله ومثبته نفسها
ولاخلا ولاعدم

[خاتم الرشيدي]

بيض الله وجهك اخوي فارس عتيبه
وصح لسان الشاعر شامخ الرشيدي
والقصيده جزله ومثبته نفسها

[كهل الصباء]

فارس عتيبه؟
نقل مميز تشكر عليه...
تقبل مروري

[العقاد]

فـ عتيبه ـارس




فارس عتيبه

والنعم بعتيبه وفاااارسها
وحيااااااااااك الله بين اخوانك .

نقل مميز لهذه القصيده
النص : شاااامخ
والشاعر : شاااامخ
وهذا الشعر : الشاااامخ .

[&رشيديه مزيونه&]

بيض الله وجهك يا الغالي على النقل المميز وصح السانك ...
وتسسسسسسسلام يا الغالي...