[حامد الحنيفان]

قال العويمري سعود واق الطويله= يطرق نظر عينه مع ارضً براحي
وادموع عينه مثل جم الثميله = يشدى لسيل من اول الوسم طاحي
عزاه ياقلبً تزايد عويله = يبكي على عصراً مضاله وراحي
لوانصحك ياقلب مافيك حيله = خليت عيني ماتذوق المراحي
وحالي اللي مثل حال الهزيله = تبي تقوم وطايحه باالمراحي
طرت علي اللي تكد الجديله = ياشبه وضحى مع تليل الطياحي
ترعى بعشبً تو ماقف سيله = عشبه جديد ولابعشبه فياحي
ماجابها الشاوي يسوقه لشيله = تنسف بذروتها هبوب الرياحي
مع ظف ربعن ينطحون الدبيله = لاجاء نهاراً فيه ضرب السلاحي
لاطاح ستر منقظات الجديله = تسمع لهن وسط المعارك صياحي
اللي تبكي ابوه واللي حليله = متسدحينً عقب ضرب الرماحي
لاثار ملح امروبعات الفتيله = كله من اجل البل كبار المناحي
لاحقو على قب المهار الاصيله = تخالطو باالقاع برضً براحي
وكلن نهار اليوم حصل حصيله = اللي سلم واللي توفى وراحي
الشاعر/ سعود بن حنيفان العويمري(رحمه الله)

الموضوع الأصلي: قال العويمري سعود واق الطويله | | الكاتب: حامد الحنيفان | | المصدر: شبكة بني عبس

[مرزوق العجوني]

الله يرحمه ولا هنت على النقل الرائع

[رسام الغروب]

صح السانك
ورحم الله الشاعر بواسع رحمته وادخله جنات الفردوس امين

[قاهر الاصفرين]

صح لسانه والله يرحمـه
ومشكووووررر ع النقل

[مُخاطِرْ]

قـصيدهـ بقمة الروؤوعه...
.
.
ويسلم اختياركـ يالذيب...^_^
.
.
صــح لــسان الشاعر الكبير وتسلم يمينكـ ع النقل الرائع

[البعيد الهادي]

الله يرحمه رحمة واسعه ويرحم امواتنا واموات المسلمين
جزله ومن شاعر جزل
ولاهنت يابو سعود