[راعي البلها]

السلام عليكم ورحمة الله وبركاته



اخواني اعضاء منتديات شبكة بني عبس
انقل لكم هذه القصيده بعنوان ( حسبي الله ونعم الوكيل )لشاعر المبدع عبدالله باتل الرشيدي الملقب في (البحر الميت) وهي قصيده جديده

كل شئ بالكلام وكل شئ بالسلام لاتلوم ولاتلام =وحسبي الله ونعم الوكيل
مايترك الواحد في حاله كلٍ ينقل جواله وناسٍ حالتهم حاله= وحسبي الله ونعم الوكيل
وانا ماني متضايق لكن ماني رايق لكن هذي حقايق= وحسبي الله ونعم الوكيل
اللي يسمن يضعف عقله وعليك يثقل ماأنت ونقله والاتصيبه رقله= وحسبي الله ونعم الوكيل
نوبٍ يجيني مطفل كنه علي مكفل إما يجفل وإلا يجَفِلْ= وحسبي الله ونعم الوكيل
نوبٍ يجيني بليد يقول ماجيت الوليد باردٍ مثل الجليد= وحسبي الله ونعم الوكيل
ونوبٍ يجيني حيوان يقول طلعلك ديوان ورجالٍ مثل النسوان= وحسبي الله ونعم الوكيل
وأنا والله ماشكيت وانا والله ما حكيت وانا والله مابكيت= وحسبي الله ونعم الوكيل
والناس ماهي مضبوطه وناسٍ مع ناس مربوطه ولاهي في شئ مغبوطه= وحسبي الله ونعم الوكيل
بعد الاسهم كن الناس اكثرهم وضعه منحاس ولاله قلب ولا له راس =وحسبي الله ونعم الوكيل
وبعض منهم مثل اللوقي مايعرف واجب وحقوقي وينس مثل السلوقي= وحسبي الله ونعم الوكيل
إما بعضهم منافق ولازم تسمعله وتوافق ويخلق من ماءٍ دافق= وحسبي الله ونعم الوكيل
إما اكثرهم سمع وطاعه دائماً بإذنيه السماعه وعليه لو تزعل ساعه =وحسبي الله ونعم الوكيل
من إرضاها تشوفه راضي وجه بشوش وفضفاضي ولاهو بعنها معتاضي =وحسبي الله ونعم الوكيل
إما اكثرهم مصلحجي يشطف شطف ويصنج صنجي ومثل العنقز منه تنجي =وحسبي الله ونعم الوكيل
إما بعضهم محطه ينقل كلام ويمطه ويحب المشوي والشطه= وحسبي الله ونعم الوكيل
إما بعضهم منحاز وحمار يبيله منقاز وإن خاويته خوة غاز= وحسبي الله ونعم الوكيل
إما بعضهم غريافي ويهوى الطلعه بالاريافي ولاله نور ولاهو طافي= وحسبي الله ونعم الوكيل
وإما بعضهم ملعون ومن مانعين الماعون وعسى مثله لطاعون= وحسبي الله ونعم الوكيل
وكلٍ يبغى يصيد الثاني ويبيله شئ مجاني وكلٍ يذم الزماني= وحسبي الله ونعم الوكيل
وفيهم نحس وفيهم شكه ولامن بعضهم فكه والباب كلٍ يصكه= وحسبي الله ونعم الوكيل
وإما اللي عنده دراهم مايبغى يجلس وياهم يشغلونه كانه جاهم= وحسبي الله ونعم الوكيل
وهذا زمانٍ فضيع يبيله وجهٍ وسيع ناسٍ واجد فيه تضيع =وحسبي الله ونعم الوكيل
وهذا زمان البلاوي الكبده هي ويا الكلاوي والهلالي والنصراوي= وحسبي الله ونعم الوكيل
وغنيه دائم منحاش وفقيره ماهو معتاش وكم سكار وكم حشاش= وحسبي الله ونعم الوكيل
وكثرو فيه المظلومين وبالغصب صار الـتأمين يالله معي قولو امين= وحسبي الله ونعم الوكيل
وانا نفسي نفسٍ حره في حائل والابالحره والحقيقه دائم مره= وحسبي الله ونعم الوكيل
وانا رجالٍ عبسي بشعري وبهمي وبلبسي واشرب شاهي واشرب بيبسي =وحسبي الله ونعم الوكيل
إما الدنيا بشكل عام عاثو فيها بني سام وفيها غريب الاسلام= وحسبي الله ونعم الوكيل
وبالعراق بكل يوم كم يقتل مسلم مظلوم لامجهول ولامعلوم= وحسبي الله ونعم الوكيل
والافغان المساكين صارو مالهم دكاكين ولحقوهم بأقصى بكين= وحسبي الله ونعم الوكيل
واعذروني بالتقصير ولاني عارف وش يصير ولكن لله المصير= وحسبي الله ونعم الوكيل
واختمها في ذكر الله وصلاة الله وسلام الله على محمد رسول الله= وحسبي الله ونعم الوكيل

وسلامتكم
وابشروو في كل ماهو جديد للبحر الميت

الموضوع الأصلي: قصيده جديده لشاعر عبدالله باتل (البحر الميت ) | | الكاتب: راعي البلها | | المصدر: شبكة بني عبس

[سالم الرشيدي]

وعليكم السلام ورحمة الله وبركاته


بيض الله وجهك راعي البلها


وصح السان الشاعر


الكبير عبدالله باتل (( البحــر المـــيت ))




ولاهنت ياالغااالي

[بندر نواف]

اللة يكثر من أمثالك أخوي


وتكفى تكفى تكفى لاتنسانا
نبغى كل بالدنيا يقرنــا
واللي يذكرنا وينسانـــا
وحسبي اللة ونعم الوكيــل

[عايض بن صالح]

لاهنت ياراعي البلها وصح السان شاعرها

[خاتم الرشيدي]

لاهنت ياراعي البلها وصح السان شاعرها

[خالدالغلا]

لاهنت ياراعي البلها وصح الس
وتقبل بعد مروريان شاعرها

[سعد بن عادي]

بيض الله وجهك راعي البلها


والشاعر الكبير عبد الله باتل مدرسه شعريه

وقصيدة غايه في الورعه والجمال ..


ودمتم كما تحبون

[مرزوق العجوني]

وصح لسان ابو باتل ولا هنت على النقل اخوي