[الاجهر]

[frame="3 70"]فزّ الخفوق وقلت يالله عسى خير

أثر الليالي عاد غايب قمرها

مع شوفته نشوه و فزّه و تخدير

و عيون خلاّن(ن) تعانق نظرها

يفزّ له قلبي كما فزّة الطير

و الرجل كن اللي تحتها غدرها

يا صبح عمري يا صباح التباشير

نوره ملا قلبي و روحي غمرها

عقب الفراق اللي تعدّى المحاذير

يبّس غصون القلب جافي دهرها

ربّع بـروحي عقب ماهي معاسير

سحابة(ن) هلّت بقلبي مطرها

و اسقَى بها زرعة هوانا بتقدير

غرسة غرام(ن) بالمحبه بذرها

يا عاذلين العين والله مخاسير

و اللي درَى عن حال عيني عذرها

تشوم عيني عن جميع الغنادير

و إن ناظرت عيني فوادي نهرها

يا ناس احبه و المحبه مقادير

هذا هوَى نفسي و هذا قدرها

و الحب ماله يا اهل الحب تفسير

قلبين و الله بالمحبه امرها
لا جيت اصوّر حالة الحب تصوير

و أرد عن حالي لخلّي خبرها

لقيت وجدي فوق كل التعابير

كل الشعر قطره و شوقي بحرها
*******************************
قصيدة مختارة[/frame]

الموضوع الأصلي: فزّ الخفوق وقلت يالله عسى خير | | الكاتب: الاجهر | | المصدر: شبكة بني عبس

[@كحيلان@]

صح لسان شاعرها وناقلها
والله يعطيك ألف عافيه والله لايهينك
على الاختيار الرائع

[الاجهر]

صح بدنك تسلم كحيلان على المرور

[اسير الليل]

صح لسان شاعرها وناقلها

وتقبل مروري

[الاجهر]

صح بدنك لاهنت

[ذيبان الرشيدي]

الله درك

على

الانتقاء الراائع والجميل


بنتظار الجدديد الاجمل

تقبلـــوا
جلـــ التحيهـــ والسلامــ
ذ
ي
ب
ا
ن

[خاتم الرشيدي]

صح لسان شاعرها وناقلها
والله يعطيك ألف عافيه والله لايهينك
على الاختيار الرائع

[عبد العزيز]

قصيدة رائعه جداً

الف شكر لك على الذوق