[@كحيلان@]

السلام عليكم ورحمة الله وبركاته

هذه القصيدة لمرشد البذال مسندها على
الشيخ جابر الاحمد :

لا والله الا ذعذعن الصفاري,,,,,هب البراد وقربت نقلة الطير

ذكر الحباري له نخزر الحداري,,,,اول عوانيها لقوها المداوير

كل اشقر في تلت السبق ضاري,,,,متكسر قلبه على الطلع تكسير

ذكرتهم مسري بهاك الغداري,,,,مع جابر الاحمد طويل الاشابير

يابو مبارك ماطرى لك طواري,,,,تحيي الرسوم الاوله بالمظاهير

ياشيخ لاتنسى هذيك المساري,,,,يومك تصلي الصبح فوق من الصير

تشوف فيه من العواين مواري,,,,تلقى جرايرهن بروس العثامير

كلن ورا جابر بسيره يداري,,,,اهل الطيور للشيخ جابر مناظير

ماحلا مغداهم بعشب وخباري,,,,باول طلوع النبت عشبه دواوير

وماحلا معاياهم بصوت جهاري,,,,الشيخ نشمي والجماعة مناعير

هذي طراة العمر قبل العزاري,,,,دنياك من غير الطرب مابها خير

======================
وهذا رد الشيخ جابر الاحمد الصباح رحمه الله

قولك تراه اليوم صاير وجاري .....الله يجزي ذيك الايام بالخير

ياما سرينا يم ذكر الخباري,,,,مجهامنا كل يوم مثل النواطير

مانعرف التنتات هي واللواري...لهن دوي يشبهن الزنابير

نمر بالريضان خضر فقاري.. زاهن عشبها مع فياضن مزاهير

لامن طلع مختار عقب المساري,,,في موقع مافيه جرة مظاهير

اوهد صوب الروض وسط النهاري....غمر وصفف ياحسين التصاوير

واليا نزل عينه تشعشع بناري....نشوفهم جنب الذواري مخامير

مثل الملك جالس وحوله جواري...والله ما اصخي به بخيشه دنانير

ماهمنا برد ولاهوب ذاري....يوم ان للمقناص بالنفس تأثير

واليوم كل واحد يصيد العفاري....وصارو جميع الناس كلهم صقاقير

اصبر تشوف الطير فوق القواري....مطلعه راعية مع سكة الجير

وسلاااااامتكم والله يرحمهم ويرحم
اموات المسلمين

الموضوع الأصلي: رد الشيخ جابر الاحمد على مرشد البذال الله يرحمهم | | الكاتب: @كحيلان@ | | المصدر: شبكة بني عبس

[عايض بن صالح]

لاهنت ياكحيلان ورحم الله الشاعر والامير

[البعيد الهادي]

بيض الله وجهك ياكحيلان
على النقل الرائع 0
والله يرحمهم ويرحم اموات المسلمين

[ســــــــــيــف]

كل اشقر في تلت السبق ضاري,,,,متكسر قلبه على الطلع تكسير

نقل راثع ومبدع

[@كحيلان@]

اقتباس من مشاركة ابوصالح الشويلعي لاهنت ياكحيلان ورحم الله الشاعر والامير

الله لايهينك على المرور الرائع
والله يعطيك العافيه

[@كحيلان@]

اقتباس من مشاركة البعيد الهادي بيض الله وجهك ياكحيلان على النقل الرائع 0 والله يرحمهم ويرحم اموات المسلمين

الله يعطيك العافيه على المرور ولاهنت

[@كحيلان@]

اقتباس من مشاركة ســــــــــيــف كل اشقر في تلت السبق ضاري,,,,متكسر قلبه على الطلع تكسير نقل راثع ومبدع

الله لايهينك على المرور والله يعطيك العافيه

[زهو الايام]

الله يرحمهم ويرحم جميع موتى المسلمين
اختيااار مميز..
دمت بحفظ الرحمن