[سعد الشقل]

السلام عليكم

اخواني الاعزاء انقل لكم محاوره رباعيه رائعه

بين سيف عبس والامبراطور وبخيت السناني وراشد السحيمي


سالم معزي

الليله الشعار يالربع واجد
وانا عيوني تلفت يم واحد
ابخيت ابن مضحي ولا يهون راشد

هذا الصحيح وكلمه الحق تنقال

يابخيت مات الثور ابو قرنين=الي يدف الناس بقرونه

ثنيان سرور

الليله الشعار قايم وطايح
ولو نكشف الموضوع صارت فضايح
ننصح ولكن ما تفيد النصايح

هذا الصحيح وكلمه الحق تنقال

حنا وقفنا اثنين ضد اثنين=والحربي الماجود مادونه

بخيت السناني

لاهنت يارعي المواقيف لاهنت
يلي ليا جات المواقف تبينت
لكن خلك في مكانك كما كنت

هذا الصحيح وكلمه الحق تنقال

والشر ولا والطريق ايبين=وايامنا ماهي بمامونه

راشد السحيمي

انت ولد والي مقابلك شايب
عسى ولدنا مايجيب المصايب
ما قول حاضر ولاقول غايب

هذا الصحيح وكلمه الحق تنقال

لو قلت ياثنيان وجهك زين=اتقول لي نيتك ملعونه

سالم معزي

انا مكاني وتصرف بكيفي
انا المعزب وانت يابخيت ضيفي
وليا بست الارياق سليت سيفي

هذا الصحيح وكلمه الحق تنقال

لو الحسن مثل الشريف احسين=كلن يحط ايده بعيونه

ثنيان سرور

ان كانها هبت علينا هبايب
يالله تجيب امع الهبايب سحايب
وانا ولد ولانت والد وشايب

هذا الصحيح وكلمه الحق تنقال

انت امتروع يا كبير العين=وابليس كرتنته بكرتونه

بخيت السناني

انت معزب في مكان ن يشرفك
لكن مالك فالاوادم تصرفك
لكن افطن للجواب المظرفك

هذا الصحيح وكلمه الحق تنقال

كل اثنين ايسددون الدين=ولي يباها ايطيح من دونه

راشد السحيمي

تزعلك لاجتك من انسان غالي
ولانت احسبك واحد ن من عيالي
جالس بوزني مير كني لحالي

هذا الصحيح وكلمه الحق تنقال

ماهي كثيره قيمه السكين=لكنها بالزيت مدهونه

سالم معزي

يابخيت طعني لا تسافر باكستان
مافيه غير الجوع يا زرف الايمان
خلك بدار المملكه خير الاوطان

هذا الصحيح وكلمه الحق تنقال

الي يحط الزين مثل الشين=الباب من دونه يصكونه

ثنيان سرور

يفور دمك قبل لا يفور دمي
وانت عزيز وراحمك تحت كمي
وانا ولدك المحترم وانت كامي

هذا الصحيح وكلمه الحق تنقال

لعلها امن ايدي بأم اقرين=قدام ذيب ن تضرس اسنونه

بخيت السناني

حنا سوى فالدرب والدرب دربي
واعرف دربي ماهو شرقي وغربي
مابين جهني ورشيدي وحربي

هذا الصحيح وكلمه الحق تنقال

النور في وقت الصباح يبين=بعض الاوادم ما يشوفونه

راشد السحيمي

ان كان هذي نظرتك لا يهمك
اعطيك ديس ن مالقيته مع امك
مير استريح الناس ماهي بيمك

هذا الصحيح وكلمه الحق تنقال

بعض السوالف حيله المسكين=وبعد شوي نفزعلك بليمونه

الموضوع الأصلي: رباعيه// سالم وثنيان × بخيت وراشد | | الكاتب: سعد الشقل | | المصدر: شبكة بني عبس

[محمد السنيني]

شكراً لك اخي الكريم

[الولد العبسي]

مشكوور على نقل المحاوره

[سعد الشقل]

محمد السنيني \\ الولد العبسي

اشكر لكم مروركم الكريم

[عبدالعزيز-الشقل]

مشكور اخوي سعد على المحاوره الجميله

[عبدالعزيز بن شري]

مشكور اخوي سعد على المحاوره الجميله

[فهد المويسه]

محاوره رائعه ومشكور على نقلها لنا

وتقبل سلامي

[سعد الشقل]

أشكر لكم مروركم جميعا ..//