[عاشق الصحراء]

أحبك كثر ماينسى همـوم الدنيـا خلـيّ البـال
وكثر مايكتب الشاعر همـوم بصفحـة كتابـه
أحبك كثرغياب الأمس وشوف اليوم وطيب الفال
أحبك كثر حنين الطفل لأمـه تحضـن اترابـه
حكاية صرت بغيابك يرويهـا العقيـل للجهـال
قصة غريبٍ حداه الموت وطواه الشوق لترابـه
قضى عمره بهاالدنيا وحيـد بسكـة الترحـال
غبار الوقت بعيونـه وحَـرّ الشمـس جلبابـه
يمدّ الخير باليمنـى وباليسـرى يشـدّ حبـال
طيّب والبشر حوله وحـوش وتنهـش ثيابـه
يغضّ الطرف مايخطي واذا جاه الخطـأ رجـال
يقصّ الحق من نفسه عـدوه يحسـب حسابـه
كتوم ولاوعد يوفي يشيل مـن الهمـوم جبـال
حليم ويدمح الزلَّة ويضحـك مـن كثـر مابـه
ولايذكر بوسط الناس بكلمة حـق بـه تنقـال
ردى حظّه تعثرّبه علـى حـد الشقـاء جابـه
إلين أصبح مثل عودٍ ضعيـف ولاقفـاه عيـال
وطاه الضيم من ربعـه ووقتـه كشَّـر انيابـه
أنا مثله ولاكنـي بعـد حبّـك غديـت بحـال
تغيَّـر كـل مافينـي نسيـت الهـم واتعابـه
صرتي لي راحة الدنيا مسافر والعيـون ظـلال
اروى حنانك بحرّ الصيف والبسه بالبرد وادفابه
اشمك لااختنق صدري فينـي والعلـوم اجـلال
اسولف لك عن احزاني عن لوعة القلب واسبابه
اشيلك بالشعر طاروق وازين باسمـك المـوال
اغني لك من بحوري هيـام العشـق واسلابـه
غريب وجيت لحضورك ادور والـدروب سمـال
عاني من شقاء الدنيا وبأرضك نـوخ اركابـه
ولااقدر علـى بعـدك وجاهـي غتـرةٍ وعقـال
حذفته من قفا اليمنـى حياتـي عنـدك طلابـه
أحكمي لي معك ابقى ولو كنتي سـراب الـلال
معك ارحم أموت اليوم ولاعمر دونـك احيابـه

الموضوع الأصلي: أحبك كثر حنين الطفل لأمه | | الكاتب: عاشق الصحراء | | المصدر: شبكة بني عبس

[عبدالعزيزعلي]

عاشق الصحراء

يشرفني أن اكون اول مصافح لك ولجزلتك الشامخه

صديقي العزيز صح اللسانك واعتلا شانك

تقديري لك

[عاشق الصحراء]

اخي وصديقي العزيز

ابوجلوي صح بدنك
حضورك شرف لي ومشكور
لك فائق احترامي

[الــنــادر]

عاشق الصحراء
مشكوووووووووووووور
وصح لسانك ولسان قايلها

[عاشق الصحراء]

صح بدنك اخوي

ويعطيك العافيه على حضورك الرائع

تحياتي لك