[ممدوح العريض]

اهدي لكم هذه القصيدة واتمنى ان ترتقي لمستوى ذوقكم

ياهيه ماهي مسألـة وقـت واروق = المسألة طالت وانا خاطري ضـاق
اقول خير وكل مطـرود ملحـوق = واحيان اقول الليل ماعقبه اشراق
يحدني وقتي علـى المـر واذوق = جرعة امل ياعلها تكـون تريـاق
البارحه يسري بي الشوق وافـوق = وارجع واسريها مواويـل عشـاق
جاني نذير الليل في غفوة المـوق = يقول لاتامن على نفسـك فـراق
فزيت من نومي وانا اصيح مخنوق = لاعاد حلم نقض جروح الاعمـاق
انا احسب اني مطفي جمرة الشوق = والشوق غافي لكن البارحه فـاق

شعر : ممدوح العريض

الموضوع الأصلي: مــــسألة وقــــت | | الكاتب: ممدوح العريض | | المصدر: شبكة بني عبس

[بنت العبسي]

...: صح لسانكــ :..

كلمات رائعة بمعنى الكلمة سلم الله قلمك واحساسك الرائع

[مرزوق العجوني]

صح لسانك يامممدوح على الرائعه وتقبل مروري وتقديري

[العريض]

صح لسانك ابوملا ك قصيده من الوزن الثقيل

ولكن لي عتب عليك ليش ماكملتها

اناخابرها اطول من ذلك

عمومن صح لسانك تحياتي لك

تقبل مني صافي الود وعاطر الورد

[الاجهر]

صح السانك وعلاء شانك

[سعد الشقل]

صح اللسانكـ على هالقصيده الرائعه

والى الامام بكل ماهو جديد

[طير العز]

صح لسانك

لاهنت على القصيدة الرائعة

[ممدوح العريض]

اقتباس من مشاركة حجاج العريض صح لسانك ابوملا ك قصيده من الوزن الثقيل

اقتباس من مشاركة حجاج العريض ولكن لي عتب عليك ليش ماكملتها اناخابرها اطول من ذلك عمومن صح لسانك تحياتي لك تقبل مني صافي الود وعاطر الورد

صح بدنك ..

وجواب سؤالك اقولك عليه بعدين .... والسالفه وراها سالفه ...
تحياتي لك ...