[مطلوب تغيير اسمه]

السلام عليكم ورحمه الله وبركاته

هذه محور في جده بين الشاعر عبدالله بن عتقان والشاعر منيف منقره



منيف المنقرة
يوم جينا بحر جده روقلي يابحر جده
والكلام الزين أضنه ينعرف مزحه وجده
والولد لو انو اعتزوا يعتزي بخاله وجده
عيدو عيد رمضان وما حلى عيد الضحي




ابن عتقان
ياميف المنقرة ياصاحبي يابعد حالي
اعلم إني فازعن بسليم مجيتك لحالي
من يقول الحلوى مرى ومن يقول المري حالي
آه ياعيد رمضان وما حلى عيد الضحي



منيف المنقرة
الله يحيك أنت وسليم اللي فزعتلك
والليالي السود سود وضنه شين احبلتلك
والليالي المقبلة لو انقضتلك مافتلتلك
عيدو عيد رمضان وعيدو عيد الضحي


ابن عتقان
أنت وش دخلك مازلعت تعتزي في عيال جدي
وأنت تعرفنا لي حان المعاند والتحدي
جيشان ماله مثيل وفعلنا ماله مصدي
آه ياعيد رمضان وما حلى عيد الضحي


منيف المنقرة
جوكم ياصحابنا في جده تقول ماهو طبيعي
لا هو بشتوي ولا صيفي خريفي أو ربيعي
قلت ابن عتقان دل الدرب وأشوفه يضيعي
عيدو عيد رمضان وعيدو عيد الضحي


ابن عتقان
جونا جو السلام وفعلنا فعل الرجالي
وأنت خلك في ديارك ويش يجيبك يالشمالي
أنت بتصبح ضحيه بين الاقصى والموالي
آه ياعيد رمضان وما حلى عيد الضحي



منيف المنقرة
الكلام اللي تقوله لا يجيب ولا يودي
لو حسبت حسابكم ماجيتكم وابغى التحدي
وأنت لوتسرع لكل الله تسرع وترجع تهدي
عيدو عيد رمضان وعيدو عيد الضحي




ابن عتقان
يامنيف المنقرة رب يخليلك شبابك
لو منت ببلوى والله مانحسب حسابك
بارك الله في الرجال اللي تفصل ثيابك
آه ياعيد رمضان وما حلى عيد الضحي



منيف المنقرة
عزوتي هي تاجي راسي عزوتي هي قوه باسي
ياذهب منت بذهب خلطكي معدن من نحاسي
لايعود فيك شك ولا يجي منك التماسي
عيدو عيد رمضان وعيدو عيد الضحي



ابن عتقان
نعم والله في بلي قوم المواقف والحماية
يوم تدري بالخيول ويوم تدري بالمطايه
وأنت مجنون الشمال وحشرتك وسط الزوايا
آه ياعيد رمضان وما حلى عيد الضحي





أخوكم ومحبكم
ناصر المحيش

الموضوع الأصلي: بن عتقان و منيف منقره | | الكاتب: مطلوب تغيير اسمه | | المصدر: شبكة بني عبس

[فهد المويسه]

مشكور على نقل هذي المحاوره الرائع

والله يعطيك العافيه

وتقبل سلامي