[سلطان الغرام _]

{فخر الأجيال}

على وصف الرجال اللي تسمّى بالفعال رجال = لفت بيض العلوم وبيّض الله وجه راعيها

لفت ما كنّها الاّ سبّق الخيل ان بدت تختال = نواصيها النعوت وفي مناكبها.. قوافيها

قصايد والقصايد ما نساومها بجاه وْمال = نعبّ بحورها وإن هاج مزملها نرسّيها

إذا إمتدّ الفكر وإمتدّ ليلي والقصيد وطال = توشّحت الشوارد وألبست الأشعار غاليها

كذب من قال ساعَفني عليها الجن يوم تقال = أنا البس جنّها وأصدر مواردها وأروّيها

أنا وْلا فخر نجل الشامخ المتمرّس الريبال = على وصفه تجاريني القصايد قبل أجاريها

على محمد إبن راشد إبن مكتوم طاب الفال = وطابت لي قبل لا ألزم قوافيها.. معانيها

متى قالوا صواريها المعاني.. ما هناك اشكال = حرام انّي لمدّ شراعها لأكبر صواريها

على أكبر منبر أرميها ثنا وْعز وْفخر وإجلال = ما دام إن الثنا لأهله.. على أكبر منبر ارميها

لأجل قرمٍ غرس حلمه لشعبه وأثمرت الآمال = حقايق نبصر أوّلها.. ونتباشر بتاليها

حقايق واضحه من دون أبو راشد صعب تنطال = تباركها القلوب وتبهر الناظر مغانيها

مغانيها تراود كل عطرٍ ما خطر ع البال = وأراضيها يراود كل عاشق فوع ناديها

أراضيها الخزاما والنفل والبختري والهال = وما يخطر على بال العطر يزخر باراضيها

ولي فيها محب أسرف على قلبي وحط وشال = طلب روحي وروحي منه فيها اللي يكفّيها

من أوّل ما عرفته والضلوع تجرّ له موّال = ولا أدري نيّته بضلوع صدري وش تواليها

أنا محتار ما بينه وبين دبي بالمثقال = يا أمّا دبي له تحلا أو أنّه لي محلّيها

أو أنّ دبي تحلا لأن أبو راشد لها خيّال = نعم والله وتسبق خيلها من سبق واليها

دبي العِز من طيب النسايم عودها ميّال = تمسّي صاحب القدر ونحن باسمه نمسّيها

صدى داره بشرق وغرب وجنوب التقى وشمال = قبض الاربع جهات يلين داره ذاع طاريها

طغى عزمه على وعر الدروب وله غدت مسيال = تسيل الأرض لأقدامه وتفخر من مواطيها

غريبه كيف جادت به سنينه والسنين بخال = والاغرب كيف تضما له وهو بالجود يسقيها

لو ان المجد سهل إن كان كلٍ طال منه وْنال = دروب المجد ودروب العلا صعبه مراقيها

طويل العمر ما جيت أعتزي في وصفك الأمثال = ولكن المثايل تعتزيني بك.. والبّيها

يابوي أبشر ترى شبلك توارت عن مداه أشبال = وثب فوق الدروب وسابقت رجله خطاويها

ورث عزمك وحزمك والخصال تجرّ طيب خصال = مواثيقه على طرق المكارم بك يجدّيها

إذا شدّ الفخر لأجلك رحاله قمت أشدّ رحال = على نهجك.. عشان أفرد رحاله وأرجع أطويها

وإذا قالوا: من أدرى بالحصابي والوزون ثقال = عرفت ان الوزون ثقال وانت أدرى بْحصابيها

على الدنيا جدال ألاّ انت والله ما عليك جدال = مع ان إيدك يجادل كل وادي سيل واديها

لو ان السحب تنشا من كفوف أمست عليك ظلال = وخرّت ساجده لاهل الثرى من جود منشيها

مكارمك المكارم والعطايا من بحرك جزال = لو ان السفن تجري في يمينك ضاع شاطيها

يمينك كم لاحت وأبرقت وابطت وهي تنهال = ولا والله تدري عن يسارك كم معاطيها

وكم رجلٍ بصدره حاجه وجاك وقبل لا يسال = عطيته.. كنّك أدرى بالصدور وْسرّ خافيها

وكم حلمٍ سبقته.. كان في عين الزمان محال = تقول المقبلات أفضل عليك اسرار باريها

يقولون اختصرت أجيال واقول أنته فخر الاجيال = إذا الأجيال بك ما تفتخر.. من يفتخر فيها

الموضوع الأصلي: على وصف الرجال اللي تسمي بالفعال رجال | | الكاتب: سلطان الغرام _ | | المصدر: شبكة بني عبس

[سلطان الغرام _]

اقتباس من مشاركة راشد رباح صح لسان الشاعر وتسلم على ذوقك ونقلك بنتظار جديدك

الذوق هو مرورك الغالي اخوي

تحياتي لك

[العريض]

صح لسان الشاعر


يعطيك العافيه اخوي سلطان الغرام_ على النقل الرائع لاهنت تحياتي

[صالح مخلف المظيبري]

صح لسان الشاعر
والله يعطيك العافيه لاخ سلطان الغرام ومشكور على النقل
ولا تحرمنا من ذوقك الرئع
تقبل تحيات اخوك

[عبد العزيز]

اختيار جميل صح لسان شاعرها وسلمت اناملك على طرحها لنا

[الجلادي$&]

السلام عليكم هذه قصيدة هدية مني لكم
للشاعر:نجا مفلح بنيان الرشيدي

<font                                   size"5"><font size="5"><font size="5"><font size="5">بني رشيد اهل الفعول الجميلة=كم شيخ قومن ذوقوه الزوالي</font>

<font                                   size"5">قبيلة منها الاعادي ذليلة=منها العدو يصيب قلبه جفالي</font>

</font></font></font>

[ايه*** انا]

سلطان الغرام يامرحبا وياهلا بأهل تبوك الوورد


تسلم يمناك يااالغالي



تحياتي لك

[ابو سعود]

يه يه قمه في الروعه والاحساس