[ناصر عبدالله]

أعزائي أقدم لكم هذه المحاورة لشاعر الكبيرعيد بن مربح.
..والشاعر الكبير سليم سعد..
. والتي كانت في عام 1987م

سليم:
سـلام رديت وفـــاء تمشــي بطـــاروقً جديـد / على الرجال أهل الوفاء تمشي واحسب احسابها

ليا سرى ليـل الدجــا باغن يجيــها مثــل عيـــد / حيثــه يعرف اـلـي تجيــــــه مزرفــه بكتابــــــــها

عيد:
يامرحبــــا بك يالمسلم والرســايـل بالبـــريـد / واجب على الاصحـــاب تبحث عن حـوال اصحابــها

قلها على ماتشتهي في حكمة الراي السديد / ولا خيــــر فــي بيــوتً تبنــا ماتمــس اطنابـــــــها

سليم:
ســوق المعــاني والبنــك يكتــب لـك رصيــد / خـــل المعــــاني مغلقــه واحـذر تفــك اظبابــــــها

وليــا سـألت أصحابكـم تنشد عنك لوك بعيـد / يمكـــن تفــك الكتــب وهــي مزرفــه بخطابـــــــها

عيد:
اظن راعي المعرفــه يبقى بها الدنيـــا وحيـد / ولا كــل من يرمــي الضريبـــه مرتهـــن مضرابــــها

سوق المعـاني سوقها واضرب بكفً من حديد / نبغـــى الفتيلــــه تشعــل المشقـاص من مضرابــها

سليم:
راع المعــرفه ياولــد مربـح يفيــد ويستفيــد / وهداج تيمــــاء يروي اللـــي واردً معزابــــــــها

بنت الزناتــي شفتــها ترقصلــها بثوبً جديد / وأنا اعجبتنــــي يوم ترقــص فـي جديد اثيابـها

عيد:
بنت الزناتي لاتغازلــــها لفاهـا ابن الولـــيد / والخيــل من عـج الرمــك ادمـاء الرجال اخضابها

متـى البعيــد هو القريب والقريب اهو البعيد / وهــذي قضية حيـرت فكـري بضحكــة نابهـــــا

سليم:
نبغى نغازلها مدام اطروشــها جونـا مديــد / خــل الرجــال أهل الوفــاء تمشـي تهز أشنابها

يابرق ياللــي بارقـك يبرق وبه مزنً سديـد / خــل المزون الغــر تمطــر فـوق روس اهظابـــــها



ولكـــــــم تحيـــــــاتـي

الموضوع الأصلي: عيد مربح الرشيدي وخليف المطيري | | الكاتب: ناصر عبدالله | | المصدر: شبكة بني عبس

[عبد العزيز]

صح لسان الشعراء
محاوره ممتعه شكرا على نقلها

[نــوآف الــعــويــمــري]

لاهنت على جهودك وماقصرت يالغالي

[عبس404]

مشكور على نقل هذي المحاوره الرائع والله يعطيك العافيه

[المعزب]

لاهنت ياناصر عبدالله ولكن واعتقد ان فيه بيت لعيدابن مربح حسب عرفي إذا ماني غلطان من ضمن هذه المحاوره والي يقول فيه..

(يقنص مية قناص لكن بالمية واحد يصيد.......ولكل من شاف الجميله لحقها وجتابها