[فواز الدواي]

السلام عليكم ورحمة الله وبركاته هذه القصيده قيلت بالمرحوم


غنيم حسين غنيم الفعم الرشيدي


طيب الله ثراه ووسع منزلته وغفر له لقد كان له موقف شجاع وطيب بموروث القبيله الشعبي


فهو احد ابطال هذا العرس القبلي الذي جمع ابناء القبيله من كل صوب لقد تعب تعب لايعلمه الا

الله عز وجل وعسى الله ان يجزاه بالثواب والعمل



فحق الطيبين منا الوفاء فحياتهم والدعاء لهم بموتهم رحم الله اموات المسلمين جميع








مرحوم ياغنيم الفعم لك مواقيـف
وقفة شرف بانـت بكـل القبيلـه
رقيت مثل الحر فوق المشاريـف
شديت عضدي فوق راس الطويله
فكيت ديوانٍ به العـود والكيـف
وفيه العشا والربع في كـل ليلـه
تسعى معنا في جميع التصاريـف
ثنيـت متنـك للحمـول الثقيلـه
كلفت نفسـك بالعنـا والتكاليـف
تبي نجاح (الحفل ) بيـت وسيلـه
يومن غيرك يكسورن المجاديـف
معدنك نابع مـن رجـالٍ اصيلـه
غديتلي ( عزوة ) بوجه العواصيف
يفـداك منهـو مايشـب الفتيلـه
ياقبر اخو نمشه سقتك المراهيـف
امزون رحمه من حقوق المخيلـه
وجلعلك لوردٍ ماتجيدة تواصيـف
ينبت على قبرك بريحـه جميلـه
وردٍ من الخالق ورحمه وتخفيـف
مافي على الله حاجـةٍ مستحيلـه
يالله ياللي تكرم بجودك الضيـف
اكرم اخو نمشه برحمـه فضيلـه


اقل شي بحقك يابو مسير رحمك الله



بقلم / فواز الـــــــــــــدواي

الموضوع الأصلي: مرحوم ياغنيم الفعم ... | | الكاتب: فواز الدواي | | المصدر: شبكة بني عبس

[قيس]

الله يرحمه ويرحم جميع اموات المسلمين


شكرا اخوي الشاعر فواز الداوي وصح لسانك ولسان قايلها






قيس

[عيسى المويسه]

السلام عليكم ورحمة الله وبركاته


رحمك الله يابومسيــر

واسكنك فسيح جناته ..


صح السانك يالدواي


له مواقف كثيـرة وانسان طيب قلب

عسا الله يغفرله ..


....

[فواز الدواي]

قيس حياك الله وصح بدنك

رحمه الله

[ثامر الدواي]

الله يرحمه ويغفرله ويرحم جميع الاموات المسلمين .."

صـح لسانك ياراعي العـوجا على القصيده الرائعـه .."

ولاهنــت .."

[فواز الدواي]

حياك الله يابو فلاح

وتسلم على مرورك الكريم

[قعيد ابن قعبوب]

السلام عليكم ورحمة الله وبركاته
الله يرحم ابو مسير غنيم الفعم حسب انها احد اعمدة هذه القبيله ونطلب من الله العزيز الجليل ان يتغمده برحمته وغفرانه ويقال ان من خلف مامات وان شاء الله عياله يسدون مكانه
تحياتي

[فواز الدواي]

رحمه الله

الرشيدي

صح بدنك وتسلم على مرورك الكريم