[رائد الذيابي]

ومـــــــــن الــــحــــب مــا قـــتـــــل

هذه قصيده من قصائد شاعر المليون

الشاعر
محمد بن فطيس المري

بعنوان يا مؤمن الريفي
ارجو من الله ان تحوز القصيد على رضاكم واستحسانكم
اخوكم رائــــــــــــد الـــــذيـــابـــي
يامؤمن الريفي انا جيتك زبون ...... جيتك على مدح اكثر الناس وعنيت
جيت وتعالى الله عما يشركون ..... لولاه يامؤمن لطبك ماهتديت
راضي بحكم الله علي مهما يكون .... عالج عيوني لو بعد طبك عميت
ودي اخاشر بالبصر من يبصرون .... واشوف دربي لاسرحت ولا ضويت
واذا قنصت اثبت مع اللي يثبتون ..... واشوف طيري كل ما اوميت ودعيت
ياكثر مايضرب خويي الطابلون ..... من كثر ما أكلته مطبات وكليت
وودي اشوف اللي علي يعرضون ..... وبعض الليالي ودي اسري دون ليت
واشوف ناسن بالقفا مايرحمون ....... اما وقفت لصاحبي والا مشيت
من دون نضاره ولا هم يحزنون ...... ياكثر ماكسرت كشمات وشريت

لكن يادكتور جعلك ماتهون ...... ابغيك كلمة راس دامك مابديت
اسمع ولا ابغى اللي وزانك يسمعون ..... ربي كتب يكشف لك اسراري وجيت
صورة عديل الروح عندك بالعيون ..... وأخاف تجرحها بموسك ماوعيت
ولا عليك امر اطوها تحت الجفون ..... وعقبه لو تقطع عيوني ماشكيت
هي راس مالي والعرب مايدركون ...... اني على باب الممات ولا حكيت
ياقو قلبي يوم قفن الطعون ......... اللي على ذاك الموادع مابكيت
وياصبر صبري والعواذل يحسبون ..... اني دلهت من الهوى والا سليت
اسكت عساهم من سكاتي يسكتون ... وانا عن اللي في ضميري مانتهيت
وادور الفرحه مع اللي يسهرون ..... وان ذكروني خذت فنجال وسريت
اخذت من وقتك يادكتور العيون .... عالج عيوني لو بعد طبك عميت
واستر علي واللي معك لا يفطنون .... انت الوحيد اللي بعد ربي دريت

الموضوع الأصلي: وان ذكروني خذت فنجال وسريت | | الكاتب: رائد الذيابي | | المصدر: شبكة بني عبس

[ابو محمد العريض]

مشكور اخوى فلسفة ذهن اختيار موفق




تحياتى

[زهو الايام]

صورة عديل الروح عندك بالعيون ..... وأخاف تجرحها بموسك ماوعيت


***

صح السان بن فطيـــــــــس..

وتسلم يمينك..

قصيــــــــــــــده شاعريه لاقصى درجه..

تقبل مروري

[ابوطافش]

صح لسان الشاعر

وتسلم على ذوقك ونقلك الرائع

بنتظار جديدك