[الاجهر]

ياوجودي كل ماهـب نسنـاس الشمـال
وجد من حدّه زمانه على اللي ما يبيـه
وياوجودي كل مااغفيت ثم مال الظـلال
لاغفت عيني ولاذقـت شـيٍ مشتهيـه
وجد من قفّى وهو في رجا كلمة تعـال
والتفت من عقب مااقفى ولحدن لدّ فيـه
وياعذابي لادنا الليل مـن روس الجبـال
وانتهى يومٍ من العمر ماعـاد ارتجيـه
وانتي ابعد من سما الحلم ووصالك محال
يابعد من هلّ دمعي ضحى الفرقا عليـه
ياغناتي لاتحسبين دمعـي يـوم سـال
ضعف والاّ خـوف والاّ كـذا والاّ كذيـه
والله اني من رجـالٍ يضـدون الرجـال
لكن الحظ الردي سـاق دمعـي كلبيـه
ووالله اني كل مـادار حوليـك الجـدال
قمت كن الموت يشر على قبري يإيديـه
ووالله ان قد لي وانا اصد لاجالك مجـال
صدّت اللي لاتضايق تذّكـر قبـر اخيـه
ومن سألني قلت مدري واذا عاد السؤال
قلتله تكفى سؤالك ترى ماهـو وجيـه
وش تبيني اقول عماََ ترى ذبحي حـلال
والخطا منها علي صرت احبه واهويـه
عذرها لو ماتعذر مثل واضـرب مثـال
واحدن مايعرف الحر الأشقـر يشتويـه
وان رجعنـا للتواصيـف لله الكـمـال
لا انتهى ليل المزاييـن جاتـك تبتديـه
كنها غفلٍ مع البـدو طاويهـا الحيـال
ما يميز وصفهـا الاّ نبيـهٍ مـن نبيـه
واهني اللي وصلها وذاق امـن الـزلال
رشفةٍ مع غفلة الناس من فيهـا لفيـه
واعزتي للي سواتي عشق ما لا يطـال
ويوم طاله ضيع الحلم بين أمه و ابيـه
يااول احلام الطفوله على حـد الخيـال
الرجا بللي حمى البيت من حملة بريـه
حال دونك سيف عنتر وتاسع حول حـال
باثر حولٍ حال دونك وانا ادعي هيه هيه
هيه يللي غرك الحسن واطغاك الجمـال
والله ان اموت ماشفت لاوصافك شبيـه
لو يسام الحسن والتيه بجنيـه وريـال
مابقى في سوق غيرك لا ريال ولاجنيـه
كيف اهدك للمقابيل وانتـي راس مـال
راس مال ومال والماال مايعطى السفيـه
حافظك حفظي لعيني ورمشي لك جـلال
وانتي تشحّين بالما وانـا شفّـي مويـه
شايفن ظلمك وساكت وطال الليل طـال
لاتركتي طعن قلبي وانا ماقلـت ليـه ؟
لو بقا للهيل صبرن على فـوح الـدلال
مابقى للقلب صبرن علـى شـيٍ يجيـه
كنت احسب ان الغلا زال واثـره لايـزال
في الحشا ماكنه الا دخيـلٍ فـي وجيـه
ساقني حبك على الموت وسنيني هـزال
والظروف اقسى من الظلم للعرض النزيه
وانتي تسوقين عقلي على حـد الهبـال
تحسبين ان من بغى شي يقدر يشتريـه
والاّ انا ياوجد حالـي وجـودن مايقـال
وجد من ضحى بغاليـه لرضـا والديـه
وياوجودي يااول العمر قبل ألبس عقـال
وجد من باع آآخر العمر في رغبة ذويه
وياوجودي كل ماهب صوتش من شمال
وجد من حدّه زمانه على اللـي مايبيـه

الشاعر ضيدان بن قضعان

الموضوع الأصلي: ياوجودي كل ماهـب نسنـاس الشمـال | | الكاتب: الاجهر | | المصدر: شبكة بني عبس

[ابو محمد العريض]

مشكور الاجهر




على النقل الجميل

[بنت النور]

مشكور اخوى الا جهر على النقل

[الاجهر]

تسلم ابو محمد عل المرور

[ابوطافش]

الاجهر مشكور علي الابيات
صح لسان شاعرها

[ابو سرورالذيابي]

اشكرك الاخ الاجهرعلى هذه الابيات
وبيض الله وجهك على ما ينقلت
من ابيات جميلة وراعة
تثير النفس وتحمسها

واتمنى المزيد منك يالاجهر على جهودك يالعبسي



الذيابي