[ولــد خــلف]

قصيده جديده بمناسبة عيد الأضحى

وكل عام وانتم بخـــير

...

..

انا بدونك ويشنــــي .. وانتــه بدوني من تكون
ياخي بربك عيشني .. واعيشك بعقل وجنـــون


..

( المارقوانا ) لها نشوه وللهم سيد=وللفلسفه علمها وانا تبنيتها
وحيد لكن معاها صرت ماني وحيد=عرفت معنى الصداقه يوم خاويتها
لايبعد ناصر..وخالد .. وعبدالمجيد=ناسٍ على هرجة النمه بنت بيتها
اقبر قهر غلطة الاصحاب واكبر رصيد=الحلم.. والصبر .. قبل تقول سويتها
ياصاحبي والعمر ينقص ولاهو يزيد=ولانت الذي صبتها ولانت اللي اخطيتها
طعنتني في وريدي وانت دم الوريد=ياليتني طعنتك ليه تفاديتها
ومادامت المسأله مابين اريد وتريد=دربك سماح ابتعد والنفس وصيتها
عن خوة اللي مثل شرواك فرقاه عيد=وقفايتي عنك والله ماتباطيتها
ومبادي الحر ماتشبه مباد العبيد=ويدي تطول السحاب ان كان مديتها
والسخط ( هم الرضاء ) واقرب قريبٍ بعيد=والنار ماتشتعل من دون كبريتها
وقد قيل مره كلام يفيد من يستفيد=ابعد عن الداب وشجرته لمريتها
نواف هاذي حقيقة واقعي يالعضيد=وزقارتي من قهر نفسي تناسيتها
اصبر طفت نارها بشبها من جديد=لعلها تطفي الواهج لكنيتها
وبحاول ابني من شتات المشاعر قصيد=باللي على طاري الذكرى تمنيتها
يهزني شوقها هز الهوى للجريد=واعيد ذكرى زمانٍ فيه لاقيتها
عنود صيد وبلاها الله بطراد صيد=عماس راسي يروح ليا تقهويتها
فيها الحلا.. والتغنج.. والدلع.. والمزيد=من ضحــك الايام وإحياء سودوي ميتها
منتوقة العنق فارع طولها واستزيد=في وصفها خص لامني تقفيتها
خلفية الكزس وفرقه ماهي من حديد=انعم من المخمل اللي فوق جاكيتها
والخصر فتر وحوالي نص بس الأكيد=كوعك يلامس خويه كان ضميتها
طرقاء هدب سودها يالله عمرٍ مديد=لياشبحت لي بدون شعور ( هبيتها ...!! )
هيبة نقيب ! العــذر والله هيبة عميد=تحيتي لقبلت بالحال دقيتها
ماهو قصور بجلالة خافقي بس ميد=عيونها الحور نادتني ولبيتها
وفجأه يموت الغلا ويذوب مثل الجليد=وحترت مابين ( يمكنها ) و ( ياليتها )
ياليتها تعرف ان الحب للقلب قيد=يمكن تقّدر ثقة حبٍ قد اعطيتها
وتترك مكابر هواها دام راسي عنيد=ولاتفرح ان كان قد جاء يوم واغليتها
انا الشجاع العقيد ابن الشجاع العقيد=من لابةٍ ذايعٍ بين الملاء صيتها
لاتحسبني مغفل او غبي او بليد=لو انها في غلا عينّي ساويتها
كرامتي ورث مايساوم وانا اخر حفيد=وعيبٍ على حضرتي وان كان ذليتها
ان جيب يامرحبا وان رحت فرقاك عيد=ماني من اللي ليا راحت ترجيتها

عايد بن خلف

الموضوع الأصلي: !%... المـــارقـــوانـــــا ...%! | | الكاتب: ولــد خــلف | | المصدر: شبكة بني عبس

[مهدي البراك]

صح السانك ولاهنت 00الصبر مفتاح الفرج لاكن وين الصير !!!!!!!!

[مرزوق العجوني]

صح لسااااااااااانك يابن خلف مليوووووون ولا يكفووووون على الرائعه دوووم وانت مبدع تقبل مروري وننتظر جديدك

[موسى بن سيار]

ولد خلف صح لسانك

[الـشـقـاوي]

صح لسانك




تقبل مروري

[فهد المويسه]

صح لسانك يا بو خلف

وقصيده جزله ورائعه من شاعر جزل

وفي انتظار جديدك الرائع

وتقبل سلامي

[ابراهيم الرشيدي]

ياعايد

انت شاعر والحقيقه قصيدك دائماً فيه تميز وابداع

وانني من فخور بشعرك ايها المبدع


وفقك الله

[مهل الرويضي]

أبو خلف ( المارقوانا ) !!


أتعلم : هي التي لم اتمناها في هذه الدررره .


فياليتها لم !!!!!



صح لسانك