[فيصل المظيبرى]

اصحوا تراها ولعت والحطب جرم =محطوب من شعبان شبه الجزيره
لا ذنب الى ولا حلال ولى حرم=والذنب اللى حطوه والله كبيره
الخبل يفعل نوب مايفعل القرم=وخبالته عقب القرامه معيره
كثرت الطرشان والحول والطرم=بغيت اضحى بالاهل والعشيره
مافيه سيف اليوم مابشذرته ثرم=وكم سيف اجرد حين فى جفيره
والعشب حمم واقبل القيض هاك ارم=ياللى تبى ترمى وعينك بصيره
بردان والباقى وللنار من جرم=مايشوى الجربوع يالله الستيره
مدام متعرف السنافى من الهرم=فى هالزمن من طلعه البحر خيره
ماحرمت حل وماحللت حرم=ان اسلمت تكفى بنفسى مسيره
تقطعبها عسر الدروب اسهله ورم=ينبت بسيقان الدروب العسيره
وان ماسلمت مانى بقايل وبالحرم=ماغيرها ماينوب عنها بديره
استغفر الله واستخيره وصرم=قلبى عليها صرم عشب محيره
صكت عليه القايله وانصرم صرم=وهى عليه هضبه مستديره
فيها ماش برطم شبه الشرم= ياشريم تنفخ نفخ كاير لكيره
بس انتهت لا مانتهت والخفق ضرم=على كيافه من عشيره لعشيره

الموضوع الأصلي: سليمان الرشيدى ورائعه جديده | | الكاتب: فيصل المظيبرى | | المصدر: شبكة بني عبس

[عايض بن صالح]

صح السان الشاعر ولاهنت يافيصل على النقل

دمت بخير

[فيصل المظيبرى]

ابو صالح الشويلعى

اشكرك على مرورك

وتحياتى لك

[النقيشى]

قصيد ه رايعه يافيصل اولاتحرمنا جديد الشاعر
النقيشى

[ابن سعدون]

صح لسانك ولسان قايلهااااااااااااااااا

تسلم اخوي فيصل على النقل

الرائع ,,,,,,,,,,,,,,,,,,,,,,,,,,,,

مشكووووووووور وماقصرت

[ابو محمد العريض]

صح السان الشاعر سليمان الرشيدى

تسلم اخوى فيصل على النقل

[نــوآف الــعــويــمــري]

صح لسانك ياسليمان ومشكور يافيصل على النقل

[فيصل المظيبرى]

النقيشى

شكرا على مرورك