[رسام]

ليت ايدك يوم خانت في عهدها ياصــبــيــــــه...........
تنقطع قبل الخيانه والفضيحه ابـثـوانــــــــــي

والخيانه شي صعب تفعله بنت اجــوديـــــــــه...........
رابيه في بيت عز واهلها اهل المــعــانــــــــي

كنت اشوفك شي ثاني يالغزال السولعــيـــــــه...........
لكن اني كنت مخطي يوم اشوفك شي ثانــــي

كان طبعك غير طبعك في الليالي الاولــيـــــــه...........
وكان حبك غير حبك في الحقيقه يافلانــــــــي

كنت اشوفك شخص نادر منوجد بين البريـــه...........
وكل شخص لو تمنى شوفتك اول لــمـانـــــــي

ان بغيت اوصف حلاها ماوصفت الا شويــــه...........
وان بغيت اعتب عليها حسنها يربط لـسـانـي

اشهد ان ماهي العنود ولا الهنوف ولا سميه...........
واشهد ان ماهي غدير ولا جواهر ولا تهاني

واشهد ان ماهي نسيم ولا ورود ولا رقــيـــه...........
واشهد ان ماهي عبير ولا فتون ولا امــانــي

يمكن اني كنت ابالغ في وصوف الأدمـــيـــــه...........
لكن اني شفت شي ماتصدقه الــعــيـانـــــــــي

ليت حبه كان وافي واكتمل وصـف الــبـنـيــه...........
لكن ان الزين عمره ماكمل والله بـلانـــــــــــي

يـوم جــتـنـي بـالـهـدايـا والـجـفـا اول هـديـــه...........
ليه تهديني جفاها والجفا مــنــه اعـــــــانـــــي

كنت عايش قبل اعرفك وعيشتي كانت هنيـــه...........
وماشكيت الهم مره واشهد انه ما طــوانــــــي

ومن عرفتك صرت همي وابتدى درب الاذيه...........
وان بغيت انسى همومي اشهد انه مامدانــــي

وان خلصنا من قضيه غيرها تبدي قـضــيــــه...........
واشهد اني بالقضايا صرت غارق في زمانـي




وادري ان كل المصايب يلتقي جاني وضحيـه...........
ليتني صرت الضحيه بس غيرك كان جـــانــي


وســـلامتكم.....

الموضوع الأصلي: [[ الاجــوديه ماتخــون ]] | | الكاتب: رسام | | المصدر: شبكة بني عبس

[عبد العزيز]

صح لسان الشاعر
ولاهنت على الاختيار الرائع
دمت بخير

[رسام]

صح بدنك اخوي عبدالعزيز

[عبداللطيف الرشيدي]

صح لسان الشاعر

[أإأنهيـار قمـه]

اختيار تشكر عليه

[ابو محمد العريض]

كنت عايش قبل اعرفك وعيشتي كانت هنيـــه...........
وماشكيت الهم مره واشهد انه ما طــوانــــــي

ومن عرفتك صرت همي وابتدى درب الاذيه...........
وان بغيت انسى همومي اشهد انه مامدانــــي

وان خلصنا من قضيه غيرها تبدي قـضــيــــه...........
واشهد اني بالقضايا صرت غارق في زمانـي




وادري ان كل المصايب يلتقي جاني وضحيـه...........
ليتني صرت الضحيه بس غيرك كان جـــانــي






صح السان شاعرها


وسلمت


اخوى الرسام