[عبدالله المهيمزي]

مقدمه... ولكن....؟

من هجوس الشاعر اللي عن لزومه ماتثنا=لابرق مزن القصيد وغنة ظلوع الحنايا
لي مع الأبداع موعد والبيوت اللي تبنا=والقصايد تلتفتلي كنها عيون الصبايا
أقبل الميعاد منا والشعر والهم منا=وأشتعل جمر الفراق ودرهمن جرد السبايا
والهجوس اللي بصدري بين صدق وبين ظنا=الوكاد أن الدلي من ازرق الجمه ملايا
أسمع بقصة مهنا يوم مدرك ماتمنا=لو انا بين الصواب وبين دوراة الخطايا
يامطايا الليل غني لاسرا الشاعر وغنا=هاجس الشاعر جمل يهدر ليا شاف المطايا
ساقني جرح الغلا مدري قدر قلبن معنا=حول بصدر البياض وحافته سود النوايا
مامشى بالبختره ولا على ذكراه حنا=ولاوقف خلف الصفوف ولاتربع بالزوايا
أدمعة عيني على بعض البيوت اللي خلنا=يوم اشوف اسقوفها واسوارها منها عرايا
الله أكبر يازمنا والله اكبر ياوطنا=والله اكبر ياصدورن من جزا الماضي ملايا
والطروق اللي بدينا فالبدايه منتهنا=اتلاعب بالحروف ومفردتهن والمزايا
باقين شين يتل القلب لو هو ماتونا=الهجاد اللي سرا لكن بقا منه بقايا
روحت ذيك الهنوف وجرحها من غير منا=لايذن بقصا الظمير ومرتعن بين الحنايا
والعيون رموشها عين بعدها يلتقنا=مابقا غير السهر واليل وعيونن شقايا
حاجتينن يذبحن الرجل بالسيف المطنا=المرض لاطال ولا العشق بياح الخفايا؟

الموضوع الأصلي: من شتات..العمر, في عمر الشتات..., | | الكاتب: عبدالله المهيمزي | | المصدر: شبكة بني عبس

[ابو براك الرياض]

بيض وجهك يا عبدالله على القصيده

وصح لسانك وننتظر منك الجديد

[خليف الوهيداني]

أدمعة عيني على بعض البيوت اللي خلنا
يوم اشوف اسقوفها واسوارها منها عرايا


الله أكبر يازمنا والله اكبر ياوطنا
والله اكبر ياصدورن من جزا الماضي ملايا


والطروق اللي بدينا فالبدايه منتهنا
اتلاعب بالحروف ومفردتهن والمزايا


باقين شين يتل القلب لو هو ماتونا
الهجاد اللي سرا لكن بقا منه بقايا


صح لسانك ياعبدالله

جزله من راس جزله

لاهنت ولاهان راسك

لك احترامي

[كهل الصباء]

أخوي عبدالله المهيمزي؟
أسعد الله أيامك.

أولا:ياليتك عرفتنا بصاحب القصيدة.

ثانيا:لدي ملاحظات بسيطة لا تقلل من روعة القصيدة شيء أرجوا أن يتسع لها صدرك.

(من هجوس الشاعر اللي عن لزومه ماتثنا=لابرق مزن القصيد وغنة ظلوع الحنايا)
لا أظن أن الانسان بطبيعته الخلقية يتثناء لذلك يتثنا خطأ لغوي بل والصحيح تونا.

(روحت ذيك الهنوف وجرحها من غير منا=لايذن بقصا الظمير ومرتعن بين الحنايا)
منا:هي أصلا منه لكنك جبرتها جبرا للقافية.

(والعيون رموشها عين بعدها يلتقنا=مابقا غير السهر واليل وعيونن شقايا)
تصوير رائع للسهر.

(حاجتينن يذبحن الرجل بالسيف المطنا=المرض لاطال ولا العشق بياح الخفايا؟)
القافية الأولى تذكرني لقصيدة قديمة وشهيرة جدا لايحضرني اسم صاحبها لكنني أذكر ان الشاعر الكبير ناصر الفراعنة قام بمجاراتها بقصيدة رائعة أيضا.

القصيدة بشكل عام يا أخوي عبدالله رائعة والله العظيم ومفرداتها منتقاة.

أتمنى لك التوفيق.

دمت بووووووود

[صالح مخلف المظيبري]

يعطيك العافيه على القصيده الرائعه