[الهنوف]

تذكرتك وأنا الطير الجريح مفارق الخلان=ونار البعد وفراقك تعل أقصى شراييني..
أنا أدريبك سراب ماتطفي لهفة الضميان= تذكرتك عذاب ولو نسيتك منت ناسيني..
أبي أعرف في غيابك ليه شوفي يمتلي دخان=وأحس أني لحالي وأقرب أصحابي حواليني..
حبيبي رحت عني وأنت لاراضي ولا زعلان=ياليتك قلتلي قبل الفراق أنك مخليني..
رحت وغابت الفرحة ورى ليل من الحرمان=ورجعت لصوتك اللي كان يملأ الكون يدعيني..
آثر نار الجفا صلفة دخيلك ياعظيم الشان=أنا ماعاد لي شوف على الفرقى يقديني..
بعد فرقاك عشت الجرح عمر العاشق الشفقان=على باب العمر لامرلك طاري يبكيني..
تعرف أنك بقلبي وأدري أنك لشوفتي ولهان=حبيبي ليه تقتل حبنا مادمت تغليني..
تخفي لوعتك عني تصد وتبدي النسيان=وتفضح نظرتك خافي حنينك لو تراعيني..
حبيبي تعبت عيوني السهر من عاشق سهران= تعبت وطال بعدك والعمر ماعاد يمديني..
غرب ضي الأمل قبل الشروق وسادت الأحزان=دروب العمر تسرق فرحتي والحزن يطويني..
أنا مثل الغريق وطاري الذكرى كما الطوفان=تزيد الجرح في قلبي وتبعدني وتدنيني..
تعبت ومركبي مل السفر وضاقت به الشطآن=ولالي غير حبك ساحل يمكن يرسيني..
حصدت الدمع محصول الفراق ولوعة الهجران=الا مني ذكرتك غرق كفوفي مطر عيني..
سحابك يامشاش الملح مايفرح به العطشأن=أموت من الظما والا شربتك منت مجديني..
ينابيعك تفجر من عيوني كنها بركان=توطي عزتي تختال من جفني لكفني..
بعد ماغرق عمري فالحزن ضاقت بي البلدان=وشفت الموت في كل الدروب وقلت أنا ويني..
أنا مليت..مليت العذاب وقلبي المليان=بهم صاب من هجر الحبايب مقتل سنيني..
يأست من الفرح في موسم فيه الأمل كسلان= رفعت الراية البيضا لحزني وارتمى فيني..
وعرفت أني بعد فوت الاوان العاشق الخسران=ودريت أن أصدق وعود الهوا ماعاد ترويني..
رجعت بحسرتي كلي جروح مكسر الجنحان=وسال الجرح دم وشفت وجه في شراييني..

منقوله

الموضوع الأصلي: العاشق الخسران.... | | الكاتب: الهنوف | | المصدر: شبكة بني عبس

[بندر الذيابي]

الله الله الله

اختيار رائع وذوق رفيع لا مثيل له

قصيده تستاهل التنسيق اسمحيلي بتنسيقها ان رغبتي


مشكووووووووووره


تحياتي

بندر

[فيصل الرشيدي]

اختي الهنووووووووووف

مبدعة بمعنى الكلمة


قصيدة في قمة الروعة


الله يعطيك العافية على النقل

[الهنوف]

بندر الذيابي
سيف عنتر

لكم شكري واحترامي علي مروركم

اختكم

الهنوف

[أبو نوح]

أختي الهنوف

صح لسانك

ولكن ما أدري القصيدة هل هي من إبداعك أم من منقولك ؟؟؟

[الهنوف]

اشكركم احبتي على مروركم الاروع .......

وبالنسبة لسؤال ابو نوح القصيدة ليست لي..

تمنياتي لكم بالتوفيق
اختكم الهنوف

[صادق الوعد]

مشكووره الهنوف على القصيده الرائعه

ويعطيك العافيه

تقبلي تحياتي:p

[الهنوف]

الله يعافيك اخوي وتسلم على مرورك الرائع....

تمنياتي لك بالتوفيق..
اختك الهنوف