[ماجد الذيابي]

.,.,.,.قصيدة يوم جتني,.,.,.,.,.,.







الضيقه اللي يـوم جتنـي وفزيـت
أصبـر علـى مضرابهـا وأتلـزا
كم هاجسٍ في داخل الصدر دزيـت
يوم الرخـوم بشيـن حالـي تهـزا
أضحك وكن القلب في صاجة الزيت
وكن الهموم بوسـط راسـي تـدزا
ويضحك بي اللي مادرى ويش وزيت
وسط الحنايـا مـن همـومٍ تـرزا
ماني ليا ضاقت من التتـن مزيـت
تتـن ٍ يـورد مانفـع مـن يـمـزا
أنـا ليـا ضاقـت عليـه تعزيـت
وخليتها بأقصـى الضمايـر تـوزا
أكن هاجوس الزمـن لـو تجزيـت
وكتم الخفايـا فـي زمانـي معـزا
ماهمني مـن قـال عنـي تهزيـت
مـدام دربـي للمـراجـل يـقـزا
أصبر على ميل الدهـر ماتخزيـت
وأمـوت راسـي شامخـا ًمايهـزا
العز لو إنـي علـى الفقـر لزيـت
أخيـر عنـدي مـن غنـاتٍ تهـزا





.,.,.,.,.,.

وسلامتكم

الموضوع الأصلي: الضيقه اللي يوم جتني وفزيت ** أصبر على مضرابها وأتلزا | | الكاتب: ماجد الذيابي | | المصدر: شبكة بني عبس

[عبدالرحمن عديهان]

ويضحك بي اللي مادرى ويش وزيت
وسط الحنايـا مـن همـومٍ تـرزا
ماني ليا ضاقت من التتـن مزيـت
تتـن ٍ يـورد مانفـع مـن يـمـزا


صح لسانك اخوي ماجد على الرائعه

ولك تحياتي

[العريض]

صح لسانك

العز لو إنـي علـى الفقـر لزيـت=

أخيـر عنـدي مـن غنـاتٍ تهـزا

بيض الله وجهك اشهدنك صادق

تحياتي لــــــــــــــــــــــــــــــــــــك

[بنت العبسي]

:: صح لسانك ::
قصيدة جميلة بالفعل ^_^
الف شكر لمنحنا فرصة قراءتها

[صوت البدر]

الاخ ماجد
يعطيك العافيه وصح لسانك

[ابراهيم الرشيدي]

صح لسانك اخوي ماجد على القصيدة الرائعه

ولك تحياتي

[حمدى معلث]

الشاعر ماجد



صح السانك وعلا شانك قصيده بغاية الجمال



تقبل تحياتي وتقديري


أخوك أبو مشارى

[سهل الجنيني]

صح اللسانك وبيض الله وجهك