[صالح سعود]

قصيدة في الشيخ / قعيد بن منور بن قعبوب الرشيدي .
الذي لا يزال يواصل جهوده الجبارة في خدمة القبيلة في جميع مجالات الشعر ، وأن اقامته للامسيات الشعرية لهو خير دليل على ذلك الجهد الجبار الذي يبذله في خدمة شعر وشعراء بني رشيد .

الشعر يبقى له بالأعماق مدهال = تبقى مواضيعه وتبقى شجونه
في الذاكرة يبقى على مر الأجيال = عنوان للتعبير بأصدق فنونه
وفي خاطري للشعر مجلس ومنزال = منزال صعب(ن) للبشر يدهلونه
يموج موجه كنه البحر لا جال = يمد مداته ويسكن سكونه
غميض غامض خافي(ن) وسطه اللال = حلال حيه وميتته يا كلونه
وخواطر(ن) صارت لها القلب منزال = تشاركت وسط الخفوق وضنونه
سال الحبر فوق الورق بعدها سال = كن القلم يذرف مهامل عيونه
يشبه هميل الغيث لا هل همال = يحيي موات الدار صادق غشونه
ترادفت وسط الحشا دق وجلال = من هاجس(ن) بالقلب تبرق مزونه
أهل الوفاء يبقون للطيب تمثال = والطيب عند الناس ما يجهلونه
حتى الأراضي تفرق سهول وجبال = ودرب المعالي ما يـجي بالمهونه
أحد(ن) تجيله لو على بعد الأميال = وكل الرجال الطيبه ياصلونه
قعيد أبن قعبوب من ساس الأبطال = يوم المواقف مجدهم يحتمونه
يوم المواقف بين رجلي وخيال = درب الخطر بأعمارهم يعبرونه
من عنتر العبسي وطاريه مازال = ذكره يردد والبشر يشهدونه
تاريخ (ن) يوثق على بدع الأمثال = عدوان وأيا أصحاب ماينكرونه
صحيح من يفعل تبينه الأفعال = غالي مثل غلو الذهب في وزونه
قعيد ولد قعبوب والطيب سلسال = متسلسل (ن) مثل الشجر مع فنونه
رجل كريم طيب (ن) سمح الإقبال = عرفه يشرف من بعد يعرفونه
يطىء على عسر الصعيبات ما مال = مثل الجبل شامخ بثابت ركونه
دايم على العلياء مسيرة ولازال = ما داخله بالدرب خوف وليونه
على طريق الحق ما يوم قد عال = على الوفاء والطيب ما جاب خونه
إلليا تصاعب صعبها وأصبح محال = يمشى مع الدرب الخشن بالخشونه
لين الصعيب يعود فيسرو سهال = سهل (ن) على كل البشر يسلكونه
والطيب ما يكتب ولا أظن ينقال = ويصعب على الوصاف لا ياصفونه
والمعذرة أن كان أنا أخطيت يا خال = أهل الكرام دوم الخطاء يدمحونه

الموضوع الأصلي: قصيدة في الشيخ // قعيد بن منور بن قعبوب | | الكاتب: صالح سعود | | المصدر: شبكة بني عبس

[الاجهر]

لين الصعيب يعـود فيسـرو سهـال
سهل (ن) على كل البشر يسلكونـه
والطيب ما يكتـب ولا أظـن ينقـال
ويصعب على الوصاف لا ياصفونـه
والمعذرة أن كان أنا أخطيت يا خـال
أهل الكرام دوم الخطـاء يدمحونـه
صح السانك
ويستاهل الشيخ/ ابن قعبوب

[سعد الرشيدي]

صـــــــــــح اللسانك

والشيخ

قعيد بن قعبوب

يستاهل وكل فرد من ابنا القبيلة

شاهد افعاله وجهوده الملموسة

بيض الله وجهك ابو سعود

اخوك سعد

[صالح سعود]

الاخ الغالي


الاجهر


شكرا لك على مرورك

من هنا

[صالح سعود]

الاخ الغالي
المدير العام
سعد الرشيدي


شكرا لك على هذا المرو العطر الكريم

والجمل الغالية

والكريمة


تقبل تقديري الخالص

[منصوربن هديبان]

يســــــــــاهــــــل خالك بن قعـــــــــــبوب ونعم
فيه وفيك
وانت صح السانك ولاشان فالك

[بدر نوران]

الغالي

ابو سععوود



صح لسانك ولاهنت على هذه الرائعه


ويستاهل ابن قعبوب


تقبل اعجابي


اخوكـ

[عبدالعزيز الخياري]

صح لسانك ابو سعود قصيده من شاعر وافي عودنا

على القصائد الجزله وقصيدتك قصيده وافيه وبرجال يستهال

الشيخ قعيد بن منور شيخ وافي وسمعته مشرفه

تقبل تحياتي