[عبد العزيز]

اعجبتني ونقلتها لكم


ياشين حظي زارني طيفك بوقت الامتحان

حطيت يدي فوق يدي قلت مبغى احل

ياسبع وجه الاسئلة اللي تخليني اهان

وياسبع وجهك ليه تطري لي وسط الفصل

ضاعت جميع الاجوبة عني وانا ولد الحصان

اللي يحل الاسئلة واجوبتي مافيها جدل

قمت اتعوذ منك ومن ابليس ومن شر الزمان

لافادني تعويذن ولا استذكار وكبدي اندبل

قلبت بالاوراق يمكن ياعسى او يا عسان

صح وغلط اكمل فراغ مافيش ياعمي امل

صابتني الضحكة وقمت اضحك وابي ابكي عشان

مدري شعور الامعة والا غباء ولا هبل

الزبدة وش لك بالطويلة ياعويد الخيزران

ألفت مادة مو جديدة الا مثلها ماحصل

اي والله احبك وطيفك بس يذوقني الهوان

اي والله ان طيفك يسبب ارتباكي ياعسل

هذا دليل اني احبك ميتن فيك بجنان

هذا دليل اني عشقتك مامشيت اردى السبل

ياطيفها تكفى انسني لاصارت الساعة ثمان

ولا جا العصر اذكرني لكن لاتذكرني قبل

ياطيفها عطني خبر لاتزورني بالامتحان

ترى رسوبي تذكرة يم الصياعة والزلل

الموضوع الأصلي: زارني طيفك وقت الامتحان | | الكاتب: عبد العزيز | | المصدر: شبكة بني عبس

[بنت العبسي]

ههههههههههههههههههههههه

الله يصيب شرك ياعزوز عاد وقت الامتحان

الله يستر ههههههههههههههه

نقل راائع والله
تسلم يدينك

[ام جوانا]

ههههههههههههههههههه

هذا حبيبته لزقه حتى في الامتحانات ما تفارقه

يسلمووو على القصيده

[غاليه]

ههههههههه الولد راااااح فيها مخبلته حتى في الإمتحان ياسلام كذا الحب والابلاش ..

صح لسان شاعرها وسلمت ع النقل

[عبد العزيز]

ههههههههههههههههههههه
الله يعينه

مشكورين على المرور حبايبي

[شــهـــد]

ياشين حظي زارني طيفك بوقت الامتحان

بكل وقت أتذكرك وبكل امتحان مو بأمتحان واحد بس

و ادعي لك من قلبي ربي يوفقك ..،

أحبك .. ‘‘ W ‘‘..

.
.

عزوز يسلموووو ع التقل ..

ذكرتني باعز صديقة ..،

[عبدالاله الرشيدي]

صح لسان الشاعر
وتسلم على النقل
احترامى

[عبد العزيز]

الله يعطيكم العافيه عل المرور
تحياتي لكم