[فواز الدواي]

مخاطبه مع الليل اتمنى ان تنال اعجابكم

فواز

ياليل عيني جفناهـا مايبـي النـوم
بـس اتقلـب تالـي الليـل مانـام
يلعبي التفكيـر يومـن ورى يـوم
وهذي حياتي صارلي مـدت ايـام

الليل

وشفيـك يافـواز ضايـق ومكتـوم
يسريبك التفكيـر للشـرق والشـام
ارقد وعيش حلوم وحلـوم وحلـوم
عيش بسعاده مثل غيـرك بالاحـلام

فواز

ياليل احبـك والبـلا عاشقـك دوم
يالـذة الشاعـر وحرفـه بالاقـلام
جملك ربي فـي مجـرات ونجـوم
خلقه من الله ماهـي برسـم رسـام

الليل

الله يعينك بالسهر صـرت ملـزوم
كيف تحمل تسهر اعـوام واعـوام
تنام عكـس النـاس ونامـو تقـوم
حرام عذبتك علـى طـول ماتنـام


فواز

يالليل قلبـي داخلـه واجـد علـوم
يعلم بهـا ربـن بالاسـرار عـلام
مطعون وجروحي من ارماح وسهوم
مـن ذاقهـن والله بلعـون ماقـام


الليل


الله يعينـك كـل ماجـاك مقسـوم
قسمتك مكتوبه علـى مـر الايـام
اصبر وربك يقلب الصيـف بغيـوم
تمطر سحاب الله وتشـوف الانعـام


فواز

انت الخوي ياليل لاجيـت مهمـوم
خوتك عن قلبي رمت كل الاوهـام
ياليل جعلي منك ماصيـر محـروم
ياللي شعوري فيك بعلا الفضى حام

الموضوع الأصلي: فواز الدواي .. والليل | | الكاتب: فواز الدواي | | المصدر: شبكة بني عبس

[مسندالعويمري]

صح السانك قصيده تستاهل القراءه

اكثر من مره وشاعر يستاهل الاحترام وتقدير

سجل اعجابي

[رشيدي وكلي فخر]

مبدع فواز

صح السانك وصح السان الليل


تحياتي والله

[نــواف العويمري]

صح السانك

[عايض بن صالح]

جملك ربي في مجرات ونجوم
خلقه من الله ماهي برسم رسام

مجاراه ممتعه

صــــــــــــــــــــح الســــــــــــــانك ياراع العوجا

[مسندالعويمري]

مشكور ياراعي العوجا وياراعي الطيب = عز الله أنك للرشيدي تحامي
من ساس قومن يعرفون المواجيب = هو عزوتي هو فزعتي هو حزامي

[عابد الرشيدي]

صح السانك اخوي فواز

[بندر الذيابي]

راعي العوجا


صح الله لسانك


مجاراه رائع أتسمت بظروف الليل والشاعر


يعول الشعار كثيراً علي الليل لأسباب تحتلف بأختلاف ظروفه


اكرر صح الله لسانك

ونتظر جديدك


تحيتي



بندر الذيابي