[عبدالله_العجوني]

اخواني اخواتي اضع بينكم قصيدة الامبراطور ثنيان سرور الرشيدي ومجاراة من الشاعر عبيد باتل العجوني واتمنى ان تنال اعجاب الجميع

مع العلم ان قصيدة ثنيان تعبر عن وفاة اخيه وحمل المسئوليه لابن اخيه بندر والمجاراه للشاعر عبيد تعبر عن وفاة اخيه كذلك

اترككم مع القصيده والمجاراه


قصيدة ثنيان الرشيدي

يابندر العب وجور الوقت لا يهمـك

لا تفكـر انـك يتيـم وفاقـد والـي

العب وخلي الشقا كله علـى عمـك

تراك غالي وامانـه والابـو غالـي

لو تعرف شعور عمك كل ماضمـك

والله لترتـاح و لاتفكـر ولا تبالـي

لاياكبر شـوق عمـك لاتجـه يمـك

اكبر من فراق ابوك اللي برى حالي

عطني همومك وسحر عيونك وضمك

واقسم لي المر وانا اقسم لك الحالي

حق علـي احفـظ الكلمـه وازمـك

واروح وانت في بالي وارجع ابالـي

وان كان ماوفيت في عهدي وانا عمك

مانـي برجـال لـوقـال رجـالـي

مجاراة الشاعر عبيد باتل العجوني الرشيدي

ثنيان جدد جروحـاً قبـل ملتمـه

كنه على دمعتي يرسلها ارسالـي

سمعت صوتاً يشوق القلب ويخمه

سجلت صوتك ياخو ثنوى بجوالي

قبلك خلاجي ضلوعي منه منسمه

من غدر الايام يا ثنيـان عزالـي

من جد بندر وهمه كالفـه عمـه

اخوات ثنوى متونه نسل الابطالي

الموضوع الأصلي: مجاراة عبيد العجوني لقصيدة موال اليتيم للشاعر ثنيان سرور | | الكاتب: عبدالله_العجوني | | المصدر: شبكة بني عبس

[حــزام]

بيض الله وجهك اخوي عبدالله العجوني
وصح السان عبيد باتل العجوني
ونعم به وبالامبراطور ثنيان الرشيدي
ولاخلا ولاعدم

[وضاح اليمن]

ابو يمن يجاري قصيدة ثنيان الرشيدي

يابن الرشيدي لفت انظارنا يمك=بصوت الحزن يوم جريته اموالي
والله مالومك بحزنن مزج مع دمك= فقد الاخومايعوض يابن الابطالي
وبو يمن سمه اللي بالخفا سمك= من قبل عامين ابوه اقفا مع الخالي
ولو نحت باللي جرالك ماحدن ذمك=جور الدهرمن فعوله شابت اطفالي
وشكرك كل المصائب مانقصت جمك= قفلت باب الحزن وتقنت الامثالي

[عبدالله_العجوني]

مشـــــــــــــــــــــــــــكورين علـــــى مــــروركــــــــــــــــــم


ولا هــــــنتم علــــى الــــــــــــــردود

[ابو براك الرياض]

الله يعطيك العافيه على هذا الجهد

[ناصر خنيفر]

احسنتم مجاراه قويه

[سعد المظيبري]

يعطيك العافيه علي النقل الجميل وبيض الله وجهك

[نــوآف الــعــويــمــري]

مشكور والله يعافيك
تحياتي