[عايض بن صالح]

السلام عليكم ورحمة الله وبركاته


إليكم هذه القصيدة التي تعبر عن نفسها:

ياراكب اللي يزم النفس مركوبه=مزموم بديه مكن القاع ياطابه
كبر ومهابه وعزة نفس وعجوبه=في كل حاله مع الطرقه تهقوابه
ماكنه الا ولدشيخ(ن) مهو دوبه=كل الرجاجيل تمدح فيه وتهابه
لامر من عندهم تلافتو صوبه=يشدهم للنظر صوته وهندابه
جنحانه الشقر منشوره على جنوبه=جناح حر(ن) يهز القاع مظرابه
عليه(ن)اسمه ورمز الصنع مكتوبة=والاسم الاخر مع أهل البر يزهابه
عذروب من مصنعه يازين عذروبه=محذا ثلاثه فقط لاغير ركابه
ماغير ياي وسست طوبه على طوبه=وتوانك اثنين مطعومه يعبابه
هو منوة الشاوي اللي ضيع ذهوبه=اليا بداله عسير الرجم عدابه
وان كان هذا هواء الشاوي ومطلوبه=أنا الحقيقة هواي وقصدي اولا به
عليه ابا عس عدا"عذب مشروبه=زمانه الشين ماأدري ويش سوابه
مبطي منه والرسايل شبه محجوبه=واللي يجيب العلوم يجوز يغتابه
وأنا بخيص(ن)بحسناته وبذنوبه=من عفته لو تبى تصلي على ثيابه
أعرف شرايد ذهوبه وأعرف دروبه=وأعرف سواقي عيونه وأعرف ترابه
لو لوحة اسمه شمال الخط مقلوبه= ماني بغاوي ارجوم العد وهضابه
وليا وصلته ونار الشيخ مشبوبه=أمر بيت المعزةواتقهوابه
بيت(ن)حباله على الشدات مكروبه=ماتهزه الريح لو تلفح على طنابه
واليا خذا الظيف فنجاله وماجوبه=ماله على معزبه شرهات وطلابه

الموضوع الأصلي: قصيدة الشاص | | الكاتب: عايض بن صالح | | المصدر: شبكة بني عبس

[الراوي العبسي]

الله الله الله الله الله الله الله وش هالابداع يابو صالح الشويلعي ماشاء الله

[بدر نوران]

::


صح الله لسااانك يالشويلعي

ولاهنت



تقبل اعجابي

[ابوباسم الذيابي]

صـــــــــــــح السانك يابو صالح الشويلعي ابــــــــداع رائــــــــــــــع

[عبدالله عوجان]

صح لسانك يابو صالح

[أبو عيسى]

	صح لسانك يابو صالح

[شاعر الثقلين]

بيض الله وجهك إبداع ووصف بأكمل وجه

صح لسانك



تقبل تحياتي

[عايض بن صالح]

الاخوة الكرام الراوي العبسي وبدر نوران وابوباسم الذيابي وعبدالله عوجان والمتصفح وشاعر الثقلين

لاهنتم وبيض الله وجيهكم على مروركم المشرف

تقبلوا خالص تحياتي واحترامي