[ساسي رشيدي]

بسم الله الرحمن الرحيم



البشر فـي الاتصـالات يخطـون
يخطون واخطي.. عذرنا هاتف فلان؟؟
ومن عادتـي ماهتـمّ باللـي يقولـون
من غلط في رقمي .لقى الردّ غلطـان
الين جـااء فـي يـوم ..دق ّ التلفـون
شفت الرقم.. لقيتـه اشكـال والـوان
فتحت جوّالـي ابعـرف مـن يكـون
سمعـت صـوتٍ فيـه بحّـه وفتّـان
قالت لي: انت محمد؟ قلت: ايه بالعون.
لعيونك.. اسمي محمد لو كان ضيـدان
قالت :اتظنّي مخطئه. قلت :وشلـون؟؟
قلبـي توقّـف مانبـض فيـه شريـان
بالهـون يابنـت الاجاويـد بالـهـون
من عـادة الانسـان يرتـاح لانسـان
تسمّعـي يابنـت وابلـيـس ملـعـون
اخذي كلام ٍ مصدره صـدق وجـدان
ماني بقايل لك: انـا انسـان مزيـون
اطرق ولاله شبه في الانـس والجـان
انا عبدالله.. وافـي الهـرج مـوزون
اوزن كلامي.. قبـل اقولـه بميـزان
وانا الّـذي لاحـبّ ..لايمكـن يخـون
مخلص مدامه حيّ .ويمـوت ماخـان
وانـا اذا حبّيـت.. حبّيـت بجـنـون
حبّـي يفجـر داخلـي الـف بركـان
وانا الّذي ماطـرد ورى مـن يقفّـون
من صدّ عنّي عمد.. بجزيـه حقـران
هذي وصوفي .واكثرالنّاس يشـرون
وانتي عليـك اليـوم تقديـر الاثمـان
قالت :اشوفك قمـت ياعبدالله تمـون
تضحـك وضحكتهـا تقاسيـم فـنّـان
قلت :الميانه.. ماهي بضحكـة سنـون
احيـان ماتلقينهـاا بـيـن الاخــوان
ترى الميانه شـيّ واضـح ومضمـون
اذا اجتمع شخصين.. في قلب ولسـان
قالت :كلامك وافـي ٍ يابـن خلـدون
احيان احسّ ان جلستـك بيـن شيبـان
ياعبدالله .اسمع كلمة البنـت رنون
اسلوبك ووقتك.. مضت دونها ازمـان
هـذا زمـن قدواتـه افـلام كرتـون
وهذا زمان ارجالـه اجسـاد وابـدان
قالت.. وغنّت لي على وقتـي لحـون
قلت: اسكتي من بعد ماخاطري شـان
انا ادري ان الوقت.. من دون في دون
لكن فمـان الله وانـس ِ اللـذي كـان
قلته وانا صامل.. وهـي عندهـا آذون
لكنّـهـا ماصـدّقـت سـمـع الاذاان
ضاقت ...وخلـق الله دايـم يضيقـون
وانا قفلـت الخطّ..ضايـق وزعـلان
ونسيت.. والاجواد في الوقت ينسـون
ماسـمّـي الانـسـان الاّ بنـسـيـان
المشكله..بـنـات حــوّا مايسـلـون
دقّت علـي وانـا لهـا شبـه شفقـان
قبل آآتكلّم.. قالـت: اسمـع ولاتهـون
اسمي مهو ريناد.. حان الصدق حان
الاسم فجر وآخـر الجـدّ مصيـون
مهـره ولا طوّعـت بلجـام وعنـان
قلت: ارحبي مليون تضـرب بمليـون
اقولهـا مليـون مـن قلـب ولسـان
قلت: ارحبي في العين ..ولحافك جفون
وظلالك من الشمس باهـداب الاعيـان
ياعيـن حـر ٍ بالمطالـيـع مفـتـون
حر ٍ شـراه مولّـع الصيـد طربـان

الموضوع الأصلي: قصيدة بنت غلطانة في رقم التليفون | | الكاتب: ساسي رشيدي | | المصدر: شبكة بني عبس

[ماجد الذيابي]

صح لسانك ولاهنت

[عادل بن هون]

وربي ماعرفت ان الدموع اذا بكيت ارماح
الا بعد منهو غيابه حيل "بكـــــــــاني

[الـــشــــيـــهانــة]

صح لسانك ساسي رشيدي
وربي ذوووووووووق

تقــبل مروري

ودمـــت مبدع

[غاليه]

ماشاءالله عليك
صح لسانك ياذوق
تقبل مروري
تحياتي

[أثير الصمت]

ماشاءالله عليك

صح لسانك ياذوق

تقبل مروري

تحياتي

[بنت العبسي]

قلت: ارحبي في العين ..ولحافك جفون=وظلالك من الشمس باهـداب الاعيـان
ياعيـن حـر ٍ بالمطالـيـع مفـتـون=حر ٍ شـراه مولّـع الصيـد طربـان

.

:

صح لسانك كلمات راائعة جداً
يحميك المولى ياخوي ويعطيك العافية

.

:

[شهاليل]

صـــح ح ح ح ح لسسسسسسسسسسسانكـ
وربــــي حلـــوووووووووه
تقبل تحياتـــــي