[بشير الزبني]

هذه القصيده الرثائية في الفقيد الدكتور / محمد ماجد عادي الزبني , الذي الأجل المحتوم قبل ايام في القريات , أسأل الله العلي القدير أن يغفر له ويرحمه ويسكنه فسيح جناته , أنه سميع مجيب

.
.
.
.

يالله , يارب , يارحمان = ياخالق الجن , والأنسان
نطلبك عفوك / وغفرانك = وأعمال , يرجح بها الميزان
في ساعة ٍ ، مالنا قوه = إلا رضاك انت / يالمنان
ياعالمٍ غيب الأرحامي = يالمعتلي / يارفيع الشان
ترحم محمد , وتغفرله = وتنّزله / منزل الأيمان
غالي , مكانه مهو هين = فقيدة القاصي مع الدان
خذا نصيبه / وودعنا = ولا يختلف فالوداع / أثنان
ماأقول : غير / الله يعوضه = وأنه / يجازيه بالأحسان
ويصبّر أهله ويجبرهم = ويجبر عزاء ابوه والأخوان
وأنه يشدد عزايمهم = ويلهمهم / الصبر والسلوان
ويجبر عزيزٍ نثر دمعه = وأكتظ صدره / من الأحزان
عيني من الدمع وش خلت ؟ = ووش باقيٍ مااسمعته اذان !
مصايب الوقت دواره = والعمر لو زاد !! / للنقصان
هذي هي أحوال دنيانا = يرضى بها لو جزع زعلان !!
كم واحدٍ ودع ربوعه = وكم واحدِ بالمرض للآن
وكم واحدٍ عاش ضامنها ! = وكم واحدٍ فالعذاب ألوان
مير المقادير محتومه = لو طوّل الوقت والأزمان
ماباقيٍ غير وجه الله = يدوم , واللي عليها فان
لكن ماني على بعضي = أعوذ بالله من الشيطان
الطيّب يحن للطيّب = لون عزمه وعزم ابان
يابنادم .... / أصحى / من الغفله = أقم الصلاة , وصم رمضان
الموت مايأخد / ويترك = شباب وإلا من : الشيبان
محددٍ عمر الأنساني = حسب الإدله من القرآن
يمضي بنا : العمر وأيامه = والآدمي فالحياة معان
والله رحيمٍ بنا دايم = للمغفره / شرّع البيبان
نسأله عفوه وغفرانه = وأعمال : يرجح بها الميزان
في ساعةٍِ / مالنا قوه = إلا : رضا / الواحد / المنان ..

الموضوع الأصلي: رثاء في الفقيد الدكتور / محمد ماجد الرشيدي ! | | الكاتب: بشير الزبني | | المصدر: شبكة بني عبس

[ماجد الذيابي]

صح لسانك ولسان قايلها وارحم الله اموات المسلمين

[بشير الزبني]

اقتباس من مشاركة ماجد عوض الذيابي صح لسانك ولسان قايلها وارحم الله اموات المسلمين

صح بدنك , والقصيدة لي

[عادل بن هون]

ماباقيٍ غير وجه الله

يدوم , واللي عليها فان

لكن ماني على بعضي

أعوذ بالله من الشيطان

الى جنة الخلد

[بشير الزبني]

اقتباس من مشاركة عادل بن هون ماباقيٍ غير وجه الله يدوم , واللي عليها فان لكن ماني على بعضي أعوذ بالله من الشيطان الى جنة الخلد

اللهم آمين , أمين

[أنكسارحلم]

الله يرحم محمد ماجد الزبني ومن معه ويدخله فسيح جناته
كان الله يرحمه زميلي بالمسلك العسكري بالمنطق الجنوبيه
قبل 15سنه والله ونعم الخوي الله يرحمه ويسكنه لجنه

[الاجهر]

اللهم اغفر له ورحمه وتجاوز عنه
صح السانك

[بشير الزبني]

اقتباس من مشاركة ناصر الشويلعي الله يرحم محمد ماجد الزبني ومن معه ويدخله فسيح جناته كان الله يرحمه زميلي بالمسلك العسكري بالمنطق الجنوبيه قبل 15سنه والله ونعم الخوي الله يرحمه ويسكنه لجنه

اللهم أرحمه وأسكنه فسيح جناتك ,,