[ابو براك الرياض]

قبل لاخذ للحذر عن هاجسي علم(ن) وحيطه

كنت غافل والله أعلم هالشهر واخر صيامه

كم خيالا هزني شوقه وخلدني غبيطه

وكم سهرت وكم شكيت وكم تلاقينب ندامه

وكم تواجهني متاعب مع هواء الشوق النشيطه

مع صلاهيجن معالمها بلا رمز وعلامه

وكم عبرت فجوج دو(ن) شابك (ن) طلح وشويطه

وكم سريت بليل مظلم مايفاجيني ظلامه

وكم سبحت مع البحوربغبة زرقا غويطه

وكم مشيت وكم ركضتوكم تواجهني ملامه

قلت اجرب والتجارب ماتبي بحث ووسيطه

وأتحمل ماحدث لي طول صبري والتزامه

وهاجرت في الهجوس وقلت هجرتها بسيطه

رحله يوجع صداها عقب حلو الابتسامه

وانجرحت وزاد جرحي مالقيت اللي يخيطه

والتجارب عز راسي والعوض عال مقامه

النبا هز المشاعر واتنهى موجز شريطه

وعاقبت لذ الحياه ولا عواقيب القيامه

ولا علىاقدى مسيري بالنظر وأقرا الخريطه

وكل مادرات سنة ميلاد هجري دارعامه

وخان بي حلو الامان وغرني طبع العبيطه

والرماضي تجبر الطرقي على كربة حزامه

وشالني من شال هجسي وأنقلع وأبعد حطيطه

وأتمسك بالمبادي والثقة حفظ الكرامه

وكل ماعاطت هجوسي عطت للهوجاس عطيه

لعنبوك أثبت وجودك لاتعلمه الرخامه

وش علي من الليالي هي رخا والا شطيطه

شمس قيض ولا تضر الرأس في ظل العمامه

مرتً (ن) وأحيان حلوه مثل طعم القرنبيطه

و النتيجة من يواصل بالرجا يقطع مرامه

ماذكرت اعلاه واضح زين والاضواء سليطه

اتهامي في محله والرجاء خوف وشهامه

المهم اني عبرت الهند وابحرت بمحيطه

مامعي سترة نجاة ولالقيت الا السلامة

الشاعر مفلح الخضيري

الموضوع الأصلي: المهم اني وصلت الهند | | الكاتب: ابو براك الرياض | | المصدر: شبكة بني عبس

[ام جوانا]

صح لسان القائل والناقل والله يعطيك العافيه

[ابو براك الرياض]

اقتباس من مشاركة ام جوانا صح لسان القائل والناقل والله يعطيك العافيه

شكراً لك على المرور

[عادل بن هون]

لاهنت ولاهان مفلح

[ابو عبدالعزيز]

صح لسان القائل والناقل والله يعطيك العافيه

[ابو براك الرياض]

اقتباس من مشاركة عادل بن هون لاهنت ولاهان مفلح

شكراً لك على المرور

[ابو براك الرياض]

اقتباس من مشاركة ابو عبدالعزيز صح لسان القائل والناقل والله يعطيك العافيه

شكراً لك على المرور

[الأديب]

سلمت أخي أبو براك
وصح لسان الشاعر مفلح الخضيري
وهذا الشعر ولابلاش