[ابو براك الرياض]

حبيب العازمي:

أنا ومستور ربع ومثل الإخوان

لكن هذا السنة ماني بداري

والسر موجود في خاتم سليمان

ولا قراه سلمي والا مطاري
مستور العصيمي:

هذا منول لكن اليوم يافلان

حطيت لك يا حبيب عم غاري

رفعت راسك وصار الجيب مليان

والا منول تقيل فالكباري

حبيب:

انته متى جيت عمي يا كحيلان

عمت بك اللي تهبد فالغداري

هذا جزايه وتقديري على شان
حميتكم من سواويق اللواري
مستور العصيمي:
واسمع كلامي وعوذ كل شيطان

قبل امسك السيف الأبلق والسواري

الطيب اللي يدينها ويدان

يوم المغازي وحافية السماري

حبيب:

يا ربعنا اللي ورى عبلة خساران

ياليتكم تشربون من الخباري

ياما وياما وياما كان ماكان

وابوهريرة على جنب البخاري
مستور:

ياربعنا اللي حوالا ضلع هكران

معزلين الخناجر والشباري

العازمي فك له للشر بيبان

دوب استوت للبيوع وللمشاري

حبيب العازمي:
يالتاجر اللي وراك الفين دكان

والفين عامل يشيلون الهواري

اتحدنا لين تشرب مر مران

مران مره يصيبك بالهذاري
مستور العصيمي:

ياربعنا كنكم صمان عميان

العازمي صار ذالليل انتحاري

الموضوع الأصلي: حبيب ومستور | | الكاتب: ابو براك الرياض | | المصدر: شبكة بني عبس

[فهد المويسه]

محاوره رائعه وممتازه

والله يعطيك العافيه

وتقبل سلامي

[ابو براك الرياض]

اقتباس من مشاركة فهد المويسه محاوره رائعه وممتازه والله يعطيك العافيه وتقبل سلامي

مشكور على المرور

[عبدالله الشقل]

مشكورعلى المحاوره المتميزه

[ابو براك الرياض]

اقتباس من مشاركة عبدالله الشقل مشكورعلى المحاوره المتميزه

مشكور على المرور

[رشـ404ـيدي]

يعطيــك العافيـه اخــوي ابــو براك

[ابو براك الرياض]

اقتباس من مشاركة رشـ404ـيدي يعطيــك العافيـه اخــوي ابــو براك

الشكرك على المرور

[عبس404]

مشكور على نقل هذي المحاوره الرائع والله يعطيك العافيه