[ساسي رشيدي]

[FONT=Monotype Koufi][SIZE=4][COLOR=#53371c]شفتها ياسعود صدفه بعد ما مرت سنين !!!!!!

عند قسم المختبـر وسط مشفى الجامعـه

جيتها ثم قلت ممكن في سؤالي تسمحيـن

ناظـرت فينـي بدهشه نظره متواضعـه

قالت انت تـحسبني من بنات صايعيـن

تـحسبني في زماني عن طريقي ضايعـه

قلت انا ماراح اطـول كل ابوها كلمتيـن

وابعـدت عني شويه ثم جتنـي راجعـه

قالت اسال واضح انك من رجال طيبيـن

[FONT=Monotype Koufi][SIZE=4][COLOR=#53371c]بس هرجك يالسنـافي كان وشهو دافعـه

قلت انا حبيت وحده يـوم كنا صغيـرين

ومن ثمان اسنيـن راحت للمواصل قاطعـه

عقبهـا ماذقـت نـوم يهتنيـه النايميـن

ساهر في طول ليلي لين شـمسي طالعـه

اذكر انه فيه حبه فـوق ثغـره من يميـن

واذكر انه لاجـرينا كـن شعـره تابعـه

واذكر انـه عاشـق فـالورود الياسميـن

صار قلبي بالـورود اللي عشقهـا زارعـه

طابعا اسـمه بقلبي فيه سيـن وفيه عيـن

وفيه الف وفيه دال وسط قلبـي طابعـه

قاطعتنـي بقولها سبحـان رب العالميـن
[/COLOR][/SIZE][/FONT]

[/COLOR][/SIZE][/FONT]

[FONT=Monotype Koufi][SIZE=4][COLOR=#53371c]
[CENTER][FONT=Monotype Koufi][SIZE=4][COLOR=#53371c] ومـرتيـن كـررتـها وبعد مـره ورابعـه

قلت وشفيك وشبـلاك يابنيه ترجفيـن

ليش عينك يابنيـه من كلامـي دامعـه

قالت الموقف وقلبـي والمحبـه والحنيـن

كيف اشوفك بعد ماكنـت عنك قانعـه

قلت انا بسألك انكانك انتـي تذكـرين

عن مواثيـق ثـمنها من حياتـي دافعـه

قالت ظروف الزمان ماتطيـع العاشقيـن
[/COLOR][/SIZE][/FONT][/CENTER][FONT=Monotype Koufi][SIZE=4][COLOR=#53371c]
[/COLOR][/SIZE][/FONT][CENTER][FONT=Monotype Koufi][SIZE=4][COLOR=#53371c]بيعونـي غصب حبك لو هو ماني بايعـه

انا في دنياي حالي كنهـا حال السجيـن

حتـى لو فكـوا سراحه فيه شي مانعـه

زوجوني غصب واحد وحرموني حاجتيـن

السعاده فـي زمانـي والحيـاه الرائعـه

والحين انا ام لثلاثه عندي ريـم وياسميـن

والولد اسمه على اسمك والمشاعـر جايعـه[/COLOR][/SIZE][/FONT]

[/CENTER]

[/COLOR][/SIZE][/FONT]

الموضوع الأصلي: شفتها ياسعود صدفه ...... | | الكاتب: ساسي رشيدي | | المصدر: شبكة بني عبس

[طير العز]

صح لسان شاعرها


لاهنت على القصيدة الرائعه

[المغرم اليائس]

قصيدة رائعة بكل المقاييس,,

شكرا لك على هذا الطرح,,

[ريحانة الجنه]

صح لســــان الشــــــاعر الراااااائع


قصيده اكثر من ررااااااااااااااااائعه


والاروع انك انت اللي ناقلها



دمـتـ بــــود

[ام جوانا]

صح لسانك وتقبل مروري

[ابو براك الرياض]

صح لسان شاعرها


لاهنت على القصيدة الرائعه

[ساسي رشيدي]

لاهنتـــــــــــــــــــــــوا على الردورو الجزلـــــــــــــــه وأبشـ،ـــــــــــــرواااااااااااا بالحــديــــــــــــــد

[عادل بن هون]

روعه روعه روعه