[مساعد الخياري]

راكـب اللـي كــن زولــه زول ذيــب

ان نطـحـتـه .. وان قـفـيـتـه مــــن ورا

وان عرض لك قلت مابالوصف ريب

جـنـب ذيــب ٍ لاحـقــه جـــوع وعـــرا

شاصـي التصميـم لانـد كـروز جيـب

مـايـبـيـعـه مـــــن شـــــراه لــيــاشــرا

مايبـيـعـه غـيــر مــــردي الـنـصـيـب

او مـــن يـحــده عـلــى قــروشــه زرا

مـايـهــمــه لانـــفـــود ولاجـــذيــــب

ولا الطـلـوع الـلـي مـثـل طلـعـة كـــرا

لاهمـزو قيـر أدبلـه .. جـالـه نحـيـب

مـثـل مـــن مـيـتـه عـلــى بـالــه طـــرا

نـاحـل الاطــراف تصميـمـه عجـيـب

مــع سـمــاح الـــدرب مـشـيـه بـخـتـرا

كـــن جــــرات الـربـابــه بالـسـبـيـب

صــــوت مــاطــوره لـيـامـنـه ســـــرا

نـحـروه اللـيـل مــع وقــت المـغـيـب

الثـنـيـن الـلــي عـلــى الـعــز أقـصــرا

ماعلـيـه الا صحـيـب ٍ مــع صحـيـب

بالملح .. والـزاد .. والطيـب .. خشـرا

ماعليهـم مـن بسيـط .. ومـن صعـيـب

بــالــدروب .. وبـالـمـحــلات خــبـــرا

ودهـــــم مـايـمـرحــون الا قــريـــب

مـــن مـكــان ٍ تـقــل لاجــــوه ومــــرا

مــن شعـيـب يحـدرونـه مــع شعـيـب

والـفـضـى مـشـمـوس والـديــره ثــــرا

ديــــرة ٍ ربــــي لـهـلـهـا مسـتـجـيـب

كــل وادي مـــن فـضــل ربـــي جـــرا

جوهـا مـن صـادق الوسمـي عشـيـب

لـلـحـبـاري والـقــطــا فـيــهــا حـــــرا

نبـتـهـا يـفــوح كـنــه فــــوح طــيــب

مـاتـصــدق بـالــلــي عـيــونــك تـــــرا

والله ان عـمــاس راســـي مـايـطـيـب

ولا يـطـيــب الــــزاد ويــلـــذ الــكـــرا

غيـر لا رقبـت النـبـاء مـثـل الرقـيـب

ونـمـت فيـهـا ايـــام لـــو شـــح الـــذرا

بالخصـوص لياصـدف جـو ٍ رهـيـب

وقمـت ادوج مـن الفيـاض الــى الـقـرا

فـوق جـيـبٍ كــن زولــه زول ذيــب

ان نطـحـتـه .. وان قـفـيـتـه مــــن ورا

من شعر \\

لافي حمود الغيداني

الموضوع الأصلي: راكب اللي عن زوله زول ذيب (( الشاص)) | | الكاتب: مساعد الخياري | | المصدر: شبكة بني عبس

[عبدالعزيز الخياري]

صح لسان الشاعر الكبير

لافـــي الغيداني

والصراحه اختيار رائع وسلم ذوقك

ياولد العم

تقبل تحياتي

[مساعد الخياري]

عبد العزيز الخياري


راشد رباح

صحت أبدانكم

ولكم من ولد علمكم جزيل الشكر على المرور المنور و الجميل

ولكم تحياتي \ ولد عمكم مساعد الخياري
ودمتم بود

[نـ الذيابي ـايل]

صح لسان الشاعر لافي


والله لايهينك اخوي مساعد على النقل


قصيده رائعه ووصف جميل جدا"

تقبل تحياتي

[مساعد الخياري]

نايل الذيابي

لك 1000 شكر على المرور

نورنا مرورك

ودمت بود

[الاجهر]

تسلم ان اشهد الشاص يستاهل

[مساعد الخياري]

الأجهر


شاكر لك مرورك الرائع و الجميل

ودمت بود

[الكريفي]

هههههههههههههههههههههههههه