[مسموح يالغالي]

الفلك دوار والوقت بالعــــــــــــالم يدور والرياااااااح العاتيه لو تهب نصدها
مرحبأ وأهلين بالشاعر اللي له ظهـــور صلب يام أهل الرخاء والشدايد ندها
يا سليل الصقر واللي مورث له صـقور جيت يا عبد الله اليامي وجاء سعدها
مرحباً بك عند منهم يبرون الكســــــور عزوتي يوم المواقف تحـــاكي شدها
عبس خلف للرشيدي حزام مـــــــا يثور غير لا صاح صايحهم وقالوا بدهــا
وأكتست من جيتك يالســــنافي كل دور لين ريضان المحبة تباها خـــــدها
مرحباً بك بأسم ربعي طولين الشبور عد مزن باهت الأرض فيه وسـدها

الشاعر / الحسن بن عبد الله
مسموح يالغالي

الموضوع الأصلي: يا سليل الصقر واللي مورث له صـقور | | الكاتب: مسموح يالغالي | | المصدر: شبكة بني عبس

[بتاال]

بيض الله وجهك

وصح لسانك

واشهد بالله انك وافي

ونعم فيك

تحياتي

بتاال

[سعد الرشيدي]

صح اللسانك اخوي مسموح يالغالي

على هذه القصيدة الرائعه

وسوف تاصل الى الشاعر الكبير

عبدالله عبيان اليامي

وتقبل تحياتي

[مسموح يالغالي]

تختلف الأرى وتختلف الذائقة ويسمو طموحي دائماً الى إعجاب من يهمني رأية أما من لا يهتم بمن يهتم فذاك هو السراب الذي لا يطمح به من يراه أنتم نجاحي ولكم من جزل الشكر والثناء 0000
أخص بالتحية أخوي سعد والذي أطلعت على رسالته الخاصة ويعلم كم أنا بها سعدت تقبلو تحياتي 0000 الحسن العامر

[قعيد ابن قعبوب]

عبس خلف للرشيدي حزام مـــــــا يثور غير لا صاح صايحهم وقالوا بدهــا
مساء الخير اخوي مسموح
مرحبا فيك في مضارب عبس ولكن عندي ملاحظه
مايثور او هي (مايبور) وضح لنا هذه الكلمه
لك تحياتي
للتوصل 0500989585

[مسموح يالغالي]

بيض الله وجيهكم جميع ولا عدمت المطاليق شرواكم
الحسن بن عبد الله العامر

[ابو براك الرياض]

يعطيك العافيه


وبيض الله وجهك على النقل الرااائع

[مسموح يالغالي]

مرحبا قدر ومحبه وتقدير وسلام 000 الله يحيي وجيه الرجال السامعين


أخوكم الحسن العامر 000 ولتوضيح فأن هذه القصيد لي شخصياً وليست منقوله
وسوف يتم تحديث ذلك بإذن الله تعالى ثم بجهود العاملين وراء هذه الصرح الشامخ