[ابو بيان]

حــبــيــب الــعــازمـــي

ياجاهل فـي عتيبـه يستـر الله عـلاك = عتيبه ابناء سعد وايظـا خـوال النبـي
وانا مالومك مادام انـك هـذا مستـواك =لوقلتلـك ويـن ربـك قلـت فابوظبـي

مـحـمــد ابــــن مـشـيــط

ماني بجاهل وعلمي ياولـد روق جـاك = لوكنت خال النبي يالعازمي فـي شنبـي
الأرض ماهيب لك والعرش ماهو سماك = ولا يجهل الله تعالى غيـر مثلـك غبـي

حــبــيــب الــعــازمـــي

هذا حديـثٍ موثـق وأعتقـد ماخفـاك = واللي يعارض حديث الصالحيـن يهبـي
ليتك مادام السعـه عنـا تدربـى وراك = وانته لوانك ذكي يمديـك جيـت تحبـي

مـحـمــد ابــــن مـشـيــط

يالعازمي هد نفسك وأعتذرك من خطـاك = دامك توضح حديث من النبـي وشتبـي
ماجزت عن طبعك الماضي يامال الهلاك = تبغي تسلطن ولا يدخـل معـاك أجنبـي

حــبــيــب الــعــازمـــي

أرجع على الحق وأسلم كان ربي هـداك = وان كان ما أسلمت قدني واصلك يا صبي
انته ليا جيت في نجران جـاك اشتـراك = ما أدري من المكرمي ولا مـن الأكلبـي

مـحـمــد ابــــن مـشـيــط

ابلشتنا مع عتيبه وانت مغشـوش مـاك = غير العصا ياذلول ابليـس ولا اشربـي
ان رحت وان جيت علمي يا حبيب دهاك= امعرب منسبـي مانـي بـورع صلبـي

حــبــيــب الــعــازمـــي

لا بالله انته مصفى ميـر بلعـن ثـواك = بلاش ترفع يدك وانتـه تحـت منكبـي
ياشين شكل الكبير اللي عليـه ارتبـاك =انا اعرف منسبك وانت تعـرف منسبـي

مـحـمــد ابــــن مـشـيــط

ان كانها بالحكي ما حدن تمشـى معـاك = وان كانها بالفعل منزلك تحـت اركبـي
قدلك تهرب عن ابن مشيط والله رمـاك = ولا عندنا ياحبيب غيـر صتـم حلبـي

حــبــيــب الــعــازمـــي

ياقدر ليتك مغطى مـا كشفنـا غطـاك = ركبـك ياجعلهـا بالـداب والعقـربـي
تحدنا بالخطا يـا ليـن نبحـث خفـاك = واللحيه اللي نقـص تقديرهـا تتربـي

مـحـمــد ابــــن مـشـيــط

ياحارس القول كورتك اسقطت من يـداك= سددت صوبك قذيفـه والهـدف لولبـي
انت المعزب وانا ضيفٍ تعشـا عشـاك= وأثرك في صدرك الواسع حكي مختبـي

حــبــيــب الــعــازمـــي

أعطيتك المصحف الطاهر ومسـواك راك =وأثـرك لامسلـمٍ مخلـص ولاغيهبـي
بلاك ضيفٍ ما صنت معزبـك مـن رداك = تقـف مابيـن الوجيـه الغـر وتكذبـي

مـحـمــد ابــــن مـشـيــط

رجعتلك مصحفك وأهديت معه السـواك = مطلبك هذا يابوفيصـل ماهـو مطلبـي
الطيب طبعي مادام أن الردى من وفـاك= لو يختلف مذهبك مـا يختلـف مذهبـي

منقووووول

وتقبلو تحياتي اخوكم ابو بيان

الموضوع الأصلي: مـحـمــد ابــــن مـشـيــط وحــبــيــب الــعــازمـــي | | الكاتب: ابو بيان | | المصدر: شبكة بني عبس

[ابو جاسم]

بارك الله بك شكرا لنقلك اختيار موفق

[سعد الشقل]

صح اللسان ابن مشيط وحبيب العازمي

فطاحلة محاوره عن جد ومحاوره ناريه

الله يبيض وجهك يابو بيان على النقل الرائع

[ابو براك الرياض]

محاوره رائعه مشكور على نقلها

[عبدالعزيز الخياري]

مـحـمــد ابــــن مـشـيــط




ابلشتنا مع عتيبه وانت مغشـوش مـاك
غير العصا ياذلول ابليـس ولا اشربـي
ان رحت وان جيت علمي يا حبيب دهاك
امعرب منسبـي مانـي بـورع صلبـي



حــبــيــب الــعــازمـــي





لا بالله انته مصفى مير بلعن ثـواك
بلاش ترفع يدك وانته تحت منكبـي
ياشين شكل الكبير اللي عليه ارتبـاك
انا اعرف منسبك وانت تعرف منسبي


مـحـمــد ابــــن مـشـيــط





ان كانها بالحكي ما حدن تمشى معاك
وان كانها بالفعل منزلك تحت اركبي
قدلك تهرب عن ابن مشيط والله رماك
ولا عندنا ياحبيب غير صتـم حلبـي


محمـد بن مشيط و حبيب العازمي شعراء مبدعين قادرين على وضع بصمات
الابداع في مــيدان المحاوره واتوقع ان استمر حبيب وابن مشيط في الحفلات
لاستطاعو ان يبدعوا ويعيدون عهدا جديد للمحاوره كما كان بين حبيب والرياحي
وملفي المورقي ومحمد السناني فهم ثنائيتهم كانت بالفعل تبرز لنا محاورات
في قمة الابداع .


ابو بيان اخترت واحسنت الاختيار

تحيـــــــاتي

[بتاال]

لاهنت يابو بيان

دايم اختيارك موفق

بنتظار على طووووول

تحياتي

بتاال

[بحــ الخليج ــر]

بيض الله وجهك يابوبيان دوم اختياراتك ناجحه

[شيطان الشعر]

شكرا على نقلك الرايع
تقبل مرورى