[بن عجوين]

تكفا ترى تكفا تهزّ الرجاجيـل \\\\\\\\\\\\\\\\\\\\\\\\\\\\\\\\\\لولا صروف الوقت ماقلت تكفا



بيت مشهور من أكثر القصائد التي كثر اللغط حولها ..

وهي للشاعر العذب : محمد الدحيمي الشهري المعروف بــ (أخو تكفى ..

.اليك القصيدة بمحتوى البيت السابق.


اما لطمنا العيل والا الطم العيل
مادام شب النار مندوب الاطفا
من ذاق حر القايله يعشق الليل
ومن شب ضوه ليلة البرد يدفـا
امسيت في جيلٍ ولاهوب ذالجيل
واصبحت والا ديرتي شبه منفـا
واللي حما بيته بطيـرن ابابيـل
ماجيت ادور كل من صد وقفا
ولاجيت ابشحذ يانما دلّه وهيل
جيتك وجرح الظلم غاديه يشفا
جيتك بكلمه كنها صعقة الويل
ان قلت تكفا لاتهـاون بتكفـا
تكفا تراها كلمةٍ تقطم الحيـل
لابالله الا تنسف الحيـل نسفـا
تكفا ترا تكفا لها هدرة السيـل
في صدر حرٍ ينتف الطيب نتفـا
تكفا ترا تكفا لها تسّرج الخيـل
ان كان لك في مجمع الخيل عسفا
تكفا تراني من قرومٍ مشاكيـل
حماية الساقه بسيـفٍ وشلفـا
تكفا وتكفا ماتسـاق لمهابيـل
تكفا تخلّي القرم لاشٍ وهطفـا
تكفا ترى تكفا تهزّ الرجاجيـل
لولا صروف الوقت ماقلت تكفا

الموضوع الأصلي: تكفا ترى تكفا تهزّ الرجاجيـل | | الكاتب: بن عجوين | | المصدر: شبكة بني عبس

[رويبح رباح العويمري]

صح لسان شاعرها وسلمت يد ناقلها

ابن عجوين الله مليوووووووووووووووووووووووون نعمممممممممممممممممممم

[يحيى العويمري]

ابن عجوين والله انك ماقصرت لي كم وانا ابحث عن هالقصيده والبيت هذا بالذات من قائله وش تكملة القصيدة
مشكوور يارائع تحياتي لك

[ابوعالي الرشيدي]

صح السان شاعرها


والله يعطيك الف عافيه

تقبل مروري المتواضع

[أبونواف]

صح لسان شاعرها وسلمت يد ناقلها

ابن عجوين الله مليوووووووووووووووووووووووون نعمممممممممممممممممممم

[بن عجوين]

تستاهلون الطيب
وتستاهلون كل زين

[صاطي الرشيدي]

ابن عجوين بيض الله وجهك واقولها من قلب والله قصيدة جزلة وكلن لا يعرف راعيها واتمنى من المنتدى تثبيتها لكي تعرفها الناس

[عيسى المويسه]

صح السان شاعرها



ولاهنت على النقل الطيب



لك تحيتي



...