[عبد الرحمن خضير]

هذه المحاوره من المحاورات القديمه بيني انا وبين اخوي الشاعر ناصر مرسال

ناصر مرسال:

سلام بخير يالاصحاب مني=على اللي حضر من بر ومدينه
وقفت نيابتن عنكم وعني=ومن يحتج دينه ثم دينه

عبدالرحمن خضير:

الا يامرحبا باللي يغني=وراع العرف جعل الله يعينه
مدامك صرت بالتصميم فني=ندرجها على عرف وسكينه

ناصر مرسال:

بعد ماصار لك نجرٍ يدني=نبا ذل الليل يزعجنا دنينه
ليا منك هدرت اصحى تحني=ترى الاصيل مايسمع حنينهPOEM]

عبدالرحمن خضير:

علامك صرت فيها مستجني=تخير بالجزيله والثمينه
لقيت شعيل بالدرب متثني=وناصر ياجماعه عارفينه

ناصر مرسال:

تمنيته ولافاد التمني=وقدته قود يمناي بيمينه
ابا حنيه ويحب التحني=وابا حط البناجر في يدينه

عبدالرحمن خضبر:

تمنيته وخلك مرجهني=لو انك صحت من كبر الغبينه
هذاك انته وخلك مستكني=مواريها على وجهك مبينه

ناصر مرسال:

يغيبن النجوم ويدبحني=وانا في حلق سواق السفينه
ترى لعبك حكم واللعب صني=ضعيف المعرفه ديني ودينه

عبدالرحمن خضير:

عليك السيف هذا الليل سني=وبرق بالطحين من العجينه
يمكن اذنيك هالحين اسمعني=ضعيف المعرفه بيح كنينه

الموضوع الأصلي: محاوره بين عبدالرحمن خضير وناصر مرسال | | الكاتب: عبد الرحمن خضير | | المصدر: شبكة بني عبس

[عبدالعزيز الخياري]

الله الله مبدعين يابن خضير وناصر محاوره رائعه

الله يعافيك

[سعد الفلاح]

صح أللسان الشاعر ناصر مرسال وشاعر عبدالرحمن خضير ولاهنت على الطاروق الرائع

وأسمحلي بنقلها الى مكانها الصحيح

المحاورات المنقوله

دمتم بود

[سعد الشقل]

صح اللسانكـ يابو متعب وصح اللسان شاعر الجماهير

[الجحش]

شاعر الجمهور ناصر بن مرسال وشاعر المعاني الجزله عبدالرحمن خضير
محاااوره جميله 0
مشكورر اخوي عبدالرحمن على النقل
وتقبل تحيات اخوك الشاعر الجحش

[عبد الرحمن خضير]

اقتباس من مشاركة عبدالعزيز الخياري الله الله مبدعين يابن خضير وناصر محاوره رائعه الله يعافيك

اخوى عبدالعزيزالخياري مشكورعلى مرورك لله يعطيك العافيه
اخوك ابومتعب

[مسندالعويمري]

شاعر الجمهور ناصر بن مرسال وشاعر المعاني الجزله عبدالرحمن خضير
محاااوره جميله 0
مشكورر اخوي عبدالرحمن على النقل

[عبد الرحمن خضير]

اقتباس من مشاركة سعد الفلاح صح أللسان الشاعر ناصر مرسال وشاعر عبدالرحمن خضير ولاهنت على الطاروق الرائع وأسمحلي بنقلها الى مكانها الصحيح المحاورات المنقوله دمتم بود

مشكور اخوى سعدالفلاح على مابذلته من جهد والله يعطيك العافيه وتقبل سلامي