[عبيد الله دعيع]

هذه القصة الثلاثة رجال صقاقير أهل طيور كل واحد منهم ضائع له طير حر .وذكر لهم طير ممسوك عند رجل من العرب وذهبوا إليه كل واحد لايعلم عن الثاني ولكن بألصدفة توافقوا بيوم واحد عند هذا الشخص وعند ماشافهم أخفى عنهم الطير وبعد ماقام بأكرامهم ذكرو له القصة قالو نبغا نشوف الطير اللي عندك عسى أن يكون من أحدى طيورنا الضائعة . قال صحيح عندي طير ولكن لايمكن أن تشوفونه
إلا بشرط واحد وهو أن كل واحد منكم يوصف طيره بأبيات شعر وإذا أنطبقت هذه الأوصاف على الطير الي عندي يبشر بطيره.

قال: الأول.
واطيري اللي ماكره بالعناقير=عمرده مابين أبانات وسواج
صيده من الجزلات في كل مادير=واطيري اللى لبرق الريش زعاج

قال: الثاني.
طيري غدى لاعاد يوم(ن)غدابه=بين الرعن وذريعن والجبيه
أن طار باليمنى يسار أنقلابه=يشدى وحيفة كوكب(ن)طاح طيه

قال: الثالث.
واطيري اللي كن عينه سناء الكير=مخالبه من كثر ضربه دوامي
أطماه طمي اللي على النار ويفير=أوطمي عصيان(ن)الهجن(ن)أهمامي
متمشلح(ن)كنه أغلام(ن)على بير=متمشلح(ن)يسقي قطيع(ن)أحيامي

قال: الرجال اللي عنده الطير أنت يالأول ماهو بطيرك: وأنت يالثاني ماهو بطيرك: وأنت يالثالث أبشر بالطير وجاب الطير لهم وعرف صاحب الطير طيره : : هذا ماسمعته من الرواه كبار السن والقصة قديمة جداً وأسمحولي بالأطالة ولكم تحياتي جميعاً

الموضوع الأصلي: قصة ثلاثة رجال صقاقير | | الكاتب: عبيد الله دعيع | | المصدر: شبكة بني عبس

[أبو فايز العويمري]

أتقدم بالشكر الجزيل للاخ الخيال على نقل هالقصه وقصائد الصقاقير 00 والحقيقه جميع مشاركات أخونا الخيال مشاركات جزله وهادفه 0 وله مني الشكر والتقدير والاحترام

[عبيد الله دعيع]

شهادة أعتز فيها منك يابو فايز بارك الله فيك وأنا فخور بجميع الأعضاء الكرام اللذي نلمس منهم كل تشجيع وأحترام وهذا المنتدى الشامخ شموخ الجبال تاج(ن)على رؤسنا وفخر(ن)لقبيلتنا يجب علينا أن نحافظ على شموخه وأزدهاره لكم جميعاً خالص مودتي

[الـشـقـاوي]

مشكور وماقصرت

على هاذي القصيدة



اخوك





الشقاو ي

[عبيد الله دعيع]

مشكور يالشقاوي أسعدني مرورك الرائع

[القزم]

أتقدم بالشكر الجزيل للاخ الخيال على نقل هالقصه وقصائد الصقاقير 00 والحقيقه جميع مشاركات أخونا الخيال مشاركات جزله وهادفه 0 وله مني الشكر والتقدير والاحترام

[عبيد الله دعيع]

أشكرك يا شبل المنتدى الغالي/ القزم على كلامك الطيب والعذب وهذا أن دل على شي أنما يدل على طيب معدنك وأخلاقك العاليه
فلك مني كل تقدير وأحترام وأنا ماعملت إلا الواجب الله يوفق الجميع لما يحبه ربي أنه سميع(ن)مجيب

[عبيد الله دعيع]

أشكرك يا شبل المنتدى الغالي/ القزم على كلامك الطيب والعذب وهذا أن دل على شي أنما يدل على طيب معدنك وأخلاقك العاليه
فلك مني كل تقدير وأحترام وأنا ماعملت إلا الواجب الله يوفق الجميع لما يحبه ربي أنه سميع(ن) مجيب