[عبد الرحمن خضير]

فــآلح الحــربي :





ياسلام الله على الشعـار وافـراد القبيلـه
في محل اهل الوفا والطيب وافين المقامـي
الرشيدي خايل البراق فـي نـص المخيلـه
والبروق تلوح والبراق في شرق(ن) وشامي





عبدالرحــــمن خضيــر:





مرحبا بك بالنيابه يالاصيل ابن الاصيله
رحبتن ماعاد فيها لامـذم ولا ملامـي
الرشيدي ولع القداح في خشم الفتيلـه
والفتيله ماخبرت لها ردوف ولا سنامي




فــــآلح آلحــربي:




ياطويل العمر قلي وش تحط ووش تشيلـه
وانت ماعندك نظام ولا انت خاضع للنظآمي
الهبايب تصطفق في كل يـوم وكـل ليلـه
واحتزم بحزام ابوك ولا تطيح ولا تنامـي





عبدالرحمـــن خضيــر :





الظلاله ماتجيك الا من النـاس الظليلـه
يدعون الفهم ولكن لافهيـم ولا فهامـي
والله اني من رجال(ن) مايجيبون الفشيله
ولا علينا من كلام اللي يزيدون الكلامـي





فــآلح الحـــربـي:





مابقى الا نحط راسك من تحت جمـر المليلـه
لين تعرف يالرشيدي الحـلال مـن الحرامـي
كل رجال(ن) يقول الصـدق يدلـي فـي دليلـه
وانت قل لي وين راح اسم(ن) من كبار الاسامي




عبدالرحمـــن خضيـــر:




راسي ابعد عنك من وصل النجوم المستحيله
ولا حترمت الا رجل يفرض على الاحترامي
الحروب اصحابنا كل(ن) عليـه الله وكيلـه
تنكرون الشرع ويحـل اتهامـي للتهامـي





فـــآلح الحــــربي :




انت رجال(ن) عنيد ولا بقى لي معك حيله
كل مابغى لي طريق تحدني يـم العدامـي
الكلام اللي تقولـه مايجـوز الا لحليلـه
لاتعذرب بالنشاما يالكريم ابـن الكرامـي




عبدالرحــــــمن خضيـــر:





المذلـه يالحريبـي للرجاجيـل الذليـلـه
لكن اسمع زين واحذر بالبدايه والختامـي
انت وش رايك برجل(ن) قامته ماهي طويله
عادته ياطا خشم هامان ملعـون الرسامـي

الموضوع الأصلي: عبــــدالرحمن خضير**فــآلح الحربي | | الكاتب: عبد الرحمن خضير | | المصدر: شبكة بني عبس

[ناصر خنيفر]

صحت السنتكم محاوره جميله

[عبدالباري عبدالعزيز]

محاوراتك يابن خضير فالمنتدى أقوى من محاوراتك الميدانية ليش ماأدري
وأقول صح لسانك
ولكن ليش هذا الإسلوب عندك
وعند الجحش
وعند ناصر محيا؟

انت وش رايك برجل(ن) قامته ماهي طويلهعادته ياطا خشم هامـان ملعـون الرسامـي

[سعد الشقل]

صح اللسانكـ يابن خضير

[عبد الرحمن خضير]

اقتباس من مشاركة ناصر خنيفر صحت السنتكم محاوره جميله

شكرياالعمده طا عمرك توجدك يسعدن كثيرن

[عبس404]

محاوره رائعه مشكور على نقلها

[عبد الرحمن خضير]

اقتباس من مشاركة عبدالباري عبدالعزيز محاوراتك يابن خضير فالمنتدى أقوى من محاوراتك الميدانية ليش ماأدري وأقول صح لسانك ولكن ليش هذا الإسلوب عندك وعند الجحش وعند ناصر محيا؟ انت وش رايك برجل(ن) قامته ماهي طويلهعادته ياطا خشم هامـان ملعـون الرسامـي

يااخوي انت ماتدري وش السالفه لحيث داخل الميدان يختلف عن محاورات المنتديات لحيث احيان تلعب لشعر والشاعر واحيان تلعب للجمهور ويكون انتقادك في محله ويجوز يكون ماهو في محله وانا حبيت اوضح لك الصورة وتقبل تحياتي ومشكور على الانتقاد وانتمنى عندما اخطي يكون الانتقاد في محله

[ناصر محياء]

الشاعر عبد الراحمن بيض الله وجهك محاورة جميلة وقد اعطاك الخصم الضوء الاخضر لكي يستقبل منك مثل بيتك الاخير