[فهد المويسه]

بسم الله الرحمن الرحيم
السلام عليكم ورحمة الله وبركاته

هذه نبذه المختصره عن
سيرة الشاعر والفارس
عاصي بن عيد بن عطران البراك الرشيدي
وهوفارس من فرسان بني رشيد وشاعر من كبار شعراء القبيله عاش قبل توحيد الجزيره العربيه
وعانى من ماكان يعاني من أبناء الباديه من صعوبة العيش والحروب المتداوله بين القبايل وكان
رحمة الله فارس شجاعاً خاض العديد من المعارك وتعرض للكثير من المواقف الصعبه التي جعلته
يصيغ أجمل ابيات الشعر وله كثير من قصايد الشعر في المدح والغزل والفخر
وسوفا نتطرق لبعض قصايده مع ذكر ماعرف من المواقف الصحيحه التي بحثت عنها مع تسجيل صوت الراوي

((معركة شريفه))

وهي معركه مشهوره بين قبيلة بني رشيد وقبيلة عنزه
وقد قال الشاعر الفارس عاصي بن عطران في وصفها

يامزنـةٍ غـرا غشانـا كتامـه .. .. على شريفه هلهلت تقـل ربـان

سيله عروم وطم روس العدامـه .. .. وردوا سنى سيله ذريفين الايمان

وللآش هج وقال مامن سلامـه .. .. والعمر ثبت يوم عج الدخن بـان

ياما ذبحنا واحـدٍ مـن جلامـه .. .. من ربع فرحان ومن قوم مشعان

وبن كحيل اللي تجينـا علامـه .. .. اللي على سبرالمناكيف شفقـان

العود(1) مايلحق علينـا ملامـه .. .. ليته تحلى يوم حس أثرى حـان

ردالحلال وحـط فوقـه ردامـه .. .. وهذا ثرى ياللي تبي صلح فرحان

فعل على وضح النقاء وشهامـه .. .. بني رشيد الياهبـى كـل جبـان

___________________________________________

((معركة هضيبة السمقان))

في أحدالايام غزى الفارس عاصي بن عطران والفارس ذعاربن عمير القلادي
والفارس مذود بن عمير القلادي ومشعان بن عمير القلادي والفارس على بن حماد الداموكي
والفارس رشدان بن موزه العمري الحربي والفارس حنس الحربي على أحد القبايل
وأعندما وصلوا الى لابل وطلقوا عقلها وساقوها وسروا فيها لكن لم يساعدهم الحظ رجعت لابل الى مرحها
وكرروا ذلك ثلاث مرات وثلاثه صحوا اهل لابل وشبوا النار ودارت المعركه وقتل حنس الحربي
وأعندما بان الفجر وقرب طلوع الشمس الجاء الفارس عاصي الي هضيبة السمقان وختباء فيها حتى أتاة ليل
ونزل وتجه الى احد البيوت ودخل وشرب من قربة ماء وادخله صاحب البيت في وجهه وجلس عنده مده من الزمن
وكان لصاحب البيت ولد اسمه فهيد قال له ابوفهيد أذا طلعت من البيت خوذ فهيد معك من شان ما تقتل سرق فاكل مضاق صدره خذ فهيد.

ويقول هذه القصيده التي لم حصل عليها كامله يقول الشاعر عاصي

لاضاق صدري خذيت فهيد .. .. أبيـك يالـورع تلهينـي

يفهيد أهيلي علـي بعيـد .. .. ولانـت هيلـك قريبينـي

_________________

ويقول في معركة هضيبة السمقان هذه القصيده

البارحه حفنا على هجعت النار .. .. الناس هجاعه وحنـا مداويـر

حفنا وطلقنا محاسيك الاوبـار .. .. وعيت تسانع من ولي المقادير

ياطيرمعينت مشعـان وذعـار .. .. ولاشفت خوعلياء عقيدالمناعير

الكل منهم حرأشقرمـن حـرار .. .. وش عذرهم ياعارفين المعاذير

ميعادهم مذود قبل وقت الاسحار .. .. ورشدان بن موزه نحكره تحكير

حتى حنس بالمعركه جته القدار .. .. خلي عشاء المعكفات الدناقيـر

والقصيده طويله لكن اكتفي بذالك
وفي يوم جتماع العرب الذي هوعندهم دخيل ساقوا في مجلسهم
الربابه وغنوا ويوم وصله الدور قال هذه الابيات

ياموصل الي على الرجلين متحير .. .. في دار الاجناب مايقدر يفارقهـا

مغيريمشي على الرجلين ويسيـر .. .. ماله زماله ولاشل مـه يعانقهـا

الله على الي تشادي طامح الديـر .. .. من مست المحقبه حفيت سماحقها

وعندما سمعوا هذي القصيده قالوا ابشر باهلك يارشيدي
وجهزوله ذلول توصله
____________
وأختم هذه الحلقه الاولى في هذه القصه

كان الشاعر الفارس عاصي له معشوقه وعندما أتى يخطبه من أهلها قال الشيخ دليم بن جاسم بن براك
شيخ قبيلة بني رشيد هذي ماهي من مزاوجك ياراع الزرقا لاتخطبها دورغيرها فا تركها وقال هذه القصيده

البارحه فزيـت واليـوم سجيـت .. .. من أمرً يضيع به التشطر والاطباب

الشيخ ابو علوش صـداً وصديـت .. .. وصديت لاكني على الكبد منصـاب

عطنا الصحيح وعلموني الياجيـت .. .. بحزم الحطب ماهو تلاميس الكذاب

ماني ولد هدر على القول صديـت .. .. لاصك بابه يفتح الله ميـت بـاب

__________________________________________
وفي الحلقه الثانيه

قصايده الغزليه مع قصصها مثل قصيدته المشهوره

قالوا فراق وقلت ياشوق فرقاء .. .. ياشوق يافرق الحمام الولايف

وقصيدته الحزينه

ياورع لوصيحت ماتسمع أمك .. .. دفنتها باالضلع في داخل الغار

رحمه الله وسكنه فسيح جنات النعيم

1- العود هو الشيخ جاسم بن براك

اسمحولي على القصور

وتقبلوو سلامي

الموضوع الأصلي: الفارس والشاعر عاصي بن عطران يصف معركتان شريفه وهضيبة السمقان | | الكاتب: فهد المويسه | | المصدر: شبكة بني عبس

[فواز الدواي]

رحمهم الله جميع

وتحياتي لك ولقلمك

[البدر المهاجر]

شكراً جزيلاً لموضوعك القيم...

تحياتي وتقديري

[رشيدي كول]

الله يعطيك العافيه اخوي

[عبدالعزيز بن شري]

ابــــــــو عبدالله



بيض الله وجهك


على الموضوع الروعه


ويسلم قلمك


ولا هنت

[احمد فالح الخياري]

تسلم اخوي لاهنت

لك تحياتي

[ابن الجزيرة]

معلومات جيده عن الاجداد

[رجعان بن علي]

شكرا لك وبيض الله وجهك