[سلطان]

	مالك سنع

%%%%%%%%%%%%%%%%%%%%%%%%%%%%%

اليكم هذا القصيده الرائعه عسى ان تنال اعجابكم ورضاكم

مالك سنع مادام ماعندك فلـــــــــوس = وكن العرب لاجيت مايرغــــــبونك
مقعادك ان ابطيت مقعاد مـــــضروس = من كثر مابعيونهم يلخـــصونـــــك
وان جيت مره ثانيه قيل دبـــــــــــوس = والأ بعد ورعانهم يـــــضربونـــــك
وتهلسك دنياك وتصير مهــــــــــلوس = وتموت مايبرى بنفسك غبونـــــــك
ويصير لك طبعن مثل طبع جامـــوس = تضحك وضحكك كذبتن من سنـونك
ومنك يتشائم كل هتلي ومنحـــــــوس = وراك تسمع كل حذفـــــــــه ودونـك
وتشوف كل الناس بعيونك نجــــــوس = ولو تسرق ايا حاجتن يتهـــــــمونك
والله لو عقلك مثل عقل قابــــــــــوس = قبل الفرج ياتيك ليجننونــــــــــــــــك
ولا انت بمحسوسن ولا انت بملموس = وتبلش اليا سولفت ويقاطعونـــــــك
اخذ الكلام اللي من العمق مـــدروس = دامك على هاالحال مايواطــــــنونك
ونفسيتك نفسية انسان مـــــــــحبوس = ونوبن بلا داعي تطير عيونــــــــــك
وتبطي وهمك معك وتحوس وتــدوس = وان عنك سمعو في غناتن يجونـك

الشاعر % البحر الميت $ عبدالله باتل الرشيدي




هذا وتقبلو تحياتي واشواقي ودمتم بخير اخوكم




%%% ( الـــسلـــطــــان ) %%%

الموضوع الأصلي: وصف ابن باتل | | الكاتب: سلطان | | المصدر: شبكة بني عبس

[الاجهر]

السلطان مشكور
قصيدة رائعة من روائع / عبدالله باتل
مشكور ماننحرم من ابداعاتك

[باسم العلي]

شكرا اخوي سلطان على ابداعاتك

[سلطان]

شكرا على الاطلاع الاجهر @ باسم العلي




وتقبلو تحياتي اخوكم السلطان

[راعي البلها]

قصيده في قمة الروعه
ولاهنت اخوي سلطان على نقل
هذه القصيده الرائعه لشاعر عبدالله باتل

[سلطان]

اشكر كل من اطلع على هذي المشاركه



تحياتي للعضو المبدع راعي البلها

[سالم الرشيدي]

يعطيك العافيه اخوي سلطان وماننحرم منك

[بدر الحشية]

السلطان مشكور
قصيدة رائعة من روائع / عبدالله باتل
مشكور ماننحرم من ابداعاتك