[سعد الشقل]

ابو ذيل

مدام ان الجحش ماجود جاه الموت مني جاه=دواهي ساريه بالليل وابوذيل نجـم سهيـل
تبـون العلـم ولاماتبونـه باولـه وتـلاه=نهايت جحشكم جاته على كفي ونا ابوذيـل

بتال

ترا فالازمه بتال دايم في حـلال وجـاه=ومن دون الهلاليه نبهر بنهـا بالهيـل
نبيك وخابرينك والردي يعقب ولا ننصاه=وانا خابرك دايم وافي وتافي عيار الكيل

ابو ذيل

تشوف الخط ولا في عيونك شي ماتقراه=ترى المؤجز يبيله ياوسيع المعرفه تفصيل
الا ياحبني لصاحب الوافي علـى ملفـاه=تبيع وتشتري بالسوق ونته تاجراً زنجيل

بتال

يقولون الفلك علمه صعيب وكـل طـب وداه=وانا اقول الصعيبه هينه في نظرة الحلحيـل
والا ياحبني لشعيل لدرهـم وسـاق خطـاه=مابين الضلع والهضبه وكني في ضفاف النيل

ابو ذيل

سمعنا اللي يقال وكـل شيـاً ينتهـي مبـداه=مثل مبدا ابرهه ونهايته وصحاب ذاك الفيـل
سمعته يوم يهدر بالخـلا ولاسمعـت ارغـاه=لاشاف الزمل جاته قام يرغي وش تبا بالشعيل

بتال

عسا راس الردي في زمهرير بنارهـا تصـلاه=على ذا الجيل واول جيل واتلى جيل واخر جيل
عسا راسك يدوم وفي عيونـك رمزنـا نلقـاه=ليا قلـت حسانيهـا وراح القـال بعـد القيـل

ابو ذيل

سمعت الذيب ولا ماسمعته يـوم جـر عـواه=انا خابرك صاحي شوف عينك ماتبى دربيـل
رموز الولف واجد والمحب الصدق فيها ارضاه=يطول الشرح عنها في كتـاب الذكروالانجيـل

بتال

الا ياذيب ابن سرحان ذا المرقاب قوم ارقاه=عوايدك العوا لا نامت العالـم وحـل الليـل
رموز العشق تذبح لاغدا العاشق يجر ال أأأه=وانا شفت الرموز بخدك الأيمن بـلا تعليـل

ابو ذيل

علام الضغط عندك مرتفع والجيل ماتبغـاه=دعيت الله يفنيهم سوى في قبض عزراييل
ترى كثر التوجد مانفع قيساً علـى ليـلاه=جنونه ماتـذر ولاتبقـي حـط ولا شيـل

الموضوع الأصلي: بتال × ابو ذيل | | الكاتب: سعد الشقل | | المصدر: شبكة بني عبس

[بتاال]

الله يعطيك الف عافيه ياسعد

وبيض الله وجهك

شكرا

تحياتي

بتاال