[حامد الحنيفان]

كان راحت لشجاعه والمكابر والعلوم الأوليه== طلعي ياصفحة التاريخ مجداً ماتغيره الروايه
طلعي سيرة ثلاث أبطال بالدبه وهجمات قويه== لزحول اللي تعلى فعلهم بالمجد رايه بعد رايه
يوم قال الاجنبي وسامة الكفه عساهم للمنيه== يقصد أطويق الشنيني مابها سرد وحكايه
العقيد اللي حما أبله يوم دور الجاهليه== فعل ربعي عزوتي لاصار به فخر وحمايه
من عوامرةً لنا عند القبائل مقدريه== خل أبو سبعه وأبو تسعه يعلم بالبدايه
مانمررها كذا والا كذا والا كذيه== والهدف مركوز والبندق تجهز للرمايه
من أصايلنا بنات الريم ياراع العبيه== مانقول الا الصحيح ولانغير بالنهايه
مانجيب الا الخزايز يوم به حذو وحذيه== ولاندوس الا الخشوم اللي بها كبر وطغايه
فعل ربعي تاج راسي واضح والشمس حيه== ماعلينا من الحسد والكذب وأصحاب الوشايه
القصايد تفتخر في مدح ربعي باللحون السامريه== جبتها في مدح ربعي والهدف واضح ولاقصدي دعايه
مجدنا بالعز شامخ مثل برج الفيصليه== نورث الأمجاد للأطفال ونوصي وصايه
جبت أنا نظم القوافي يوم صارت فوضويه== ماعلينا من مكبرت العلوم اللي تبا تهد البنايه
الخوي ندراه ونصونه بعز ومقدريه== ماتغيرنا الليال ولا تنحينا نحايه
شاعراً يقدم على الجزلات بلحوناً عذيه== وارث الأشعار والجزلات له شفً وغايه
مانورد شعرنا غير العدود اللي رويه== ولاندور في قصايدنا شماغ ولا عبايه
والندا لامنها راحت وجت عبسيه== من سلالة عنتر العبسي وفيه كفايه
الشاعر/حامد سعود الحنيفان

الموضوع الأصلي: قصيدة مدح في قبيلة العوامره | | الكاتب: حامد الحنيفان | | المصدر: شبكة بني عبس

[سلمان 888]

مانجيب الا الخزايز يوم به حذو وحذيه
ولاندوس الا الخشوم اللي بها كبر وطغايه



صح لسانك وغير مستغرب الابداع من شاعر مبدع بمستوى الشاعر حامد الحنيفان والعوامرة يستحقون المدح



وشكرااا

[كاتب الرشيدي]

صح لسانك

ياحامد وبيض الله وجهك على هالشامخه

ونعم بالعوامره

ويستاهلون اكثر

[عادل العويمري]

صح لسانك وغير مستغرب الابداع من شاعر مبدع بمستوى الشاعر حامد الحنيفان

[صقور الخفجي]

انت شاعر يا ابن حنيفان وانت لست غريب والا جديد على الشعر انت لك صولات وجولات بالقصايد وانا اسالك ليه غايب عن الساحه الاعلامية المفروض اللي مثلك يطلعون على القنوات والمجلات الشعرية وانا اقول لو انك تدخل اي مسابقة شعرية راح تاخذ المركز الاول




تقبل مروري السريع

[يتيم الشوق]

صح السانك ياحامد
يستهلوان المدح واكثر

[سالم الرشيدي]

صح السـأنك وبيض الله وجهك
على الجزله
والله ونعم بربعنا وعزوتنا العوامره

[بن هادي الرشيدي]

صح لسان الشاعر ولاهنت اخوي على الموضوع.
والعوامره الله سبحانه مادحهم ابطال عبس .