[مطلوب تغيير اسمه]

السلام عليكم ورحمة الله وبركاته
هذه المحاوره كانت في حفل السامر وكانت الوحيده لحد الان بسب خلافات بين حبيب و بن شايق
ولكم المحاوره

=حبيب
سلامي على ال سعود وضيوف ال سعود = سـلام بمسـك العـود نسمـة هبوبـه
وطنـا وطنـا منبـع العـز والـجـود =ودحر المعـادي كـان شبـت شبوبـه

=بن شايق
انـا بالنيابـه قمـت والخيـر ماجـود=عن الاسـره اللـي ضيفهـم رحبوبـه
بلدنـا مجندنـا وحنـا لــه جـنـود = على السلـم سلـم وللمشاكـل عقوبـه


=حبيـب
ترى العاقل اللي يعرف النقص والـزود = قبل مايعـرف الـدار يعرفـه دروبـه
بذلنا على وضح النقـاء كـل مجهـود= لكـن انـت لابـدك تلقـي صعـوبـه

=بن شايق
ترى العاقل اللي ياخـذ الحـق بشهـود = ونفسك على الطرقه مهيـب مغصوبـه
ليا صـار فالميـدان حـاوي ومـردود = انا اصل العرب واصلي يعرف العروبه

=حبيـب
ليا قلتهـا قلـت لـك مانيـب محـدود=ولكـن داب الغـار ينـفـخ ذروبــه
زمان مضى والناس طـارد ومطـرود =كثير العـرب ناخـذ شماغـه وثوبـه

=بن شايق
توقـع تـرى فالعـب نـار وبــارود= وراع العيوب اصـد ماكشـف عيوبـه
وانا اقـول ليـلن قربـك جعلـه يعـود = وانـا عـارف قلبـك يحسـب ذنوبـه

=حبيـب
رصاص المقمع صفـر مافيـه عبـرود = ولايشفـي الغازيـن لــو
حاربـوبـه
وانا اقول صعبه طقـت العـود بالعـود = ولكـن حاسـب والعلـوم محسـوبـه

=بن شايق
كثير العرب لو مـات ماهـوب مفقـود =وانا يوم جيت السوق شفـت الجلوبـه
اشهـد عليـك احمـد وحمـاد وحمـود = ارويك وانـت تصـد منتـه بصوبـه

=حبيـب
ياراع المنيحـه ردهـا لاخـر الـذود = تبـي تحتلبهـا بـس جتـك محلوبـه
زمان الهوايل يجمـع البيـض والسـود = واشوف الهوايل جات والوقـت دوبـه

=بن شايق
ياويلك من اللي صار والبـاب مسـدود =ترى راعي الساحل يعـرف الرطوبـه
انا لي يميـن وديـن ووعـود وعهـود=لاقـوم اتعجبـك واحطـك عجـوبـه

--------------------------------------------------------------------------------

وسامحوني على القصورالسلام عليكم ورحمة الله وبركاتهوعليكم السلام ورحمة الله وبركاتهالسلام عليكم ورحمة الله وبركاته

الموضوع الأصلي: محاوره قويه جدا بين حبيب و بن شايق | | الكاتب: مطلوب تغيير اسمه | | المصدر: شبكة بني عبس

[عبد العزيز]

كثير العرب لو مـات ماهـوب مفقـود =وانا يوم جيت السوق شفـت الجلوبـه
اشهـد عليـك احمـد وحمـاد وحمـود = ارويك وانـت تصـد منتـه بصوبـه

صح لسان الشعار


الله يعطيك العافيه محاوره جميله جداً

[بنت العبسي]

صح لسان الشعراء


والله يجزاك خير على هالنقل الراائع

[سعد الفلاح]

صح لسان الشعراء


والله يجزاك خير على هالنقل الراائع

[ابو براك الرياض]

الله يعطيك العافيه